პარლამენტის ყოფილის თავმჯდომარის დავით უსუფაშვილის განცხადებით, ახალი პარტია თვითმმართველობის არჩევნებზე მერობის კანდიდატს მაისის ბოლოს წარადგენს.

უსუფაშვილის ინფორმაციით, მას რამდენიმე კანდიდატი უკვე ჰყავს, თუმცა სურს, რომ პარტია შესაბამისი  კანდიდატი ერთობლივად აირჩიოს.

„იწყება ფორმირების პროცესი, გვეყოლება მერობის კანდიდატიც, რომელსაც მაისის ბოლოს წარმოვადგენთ. რამდენიმე კანდიდატს წარსადგენად უკვე განვიხილავთ, თუმცა გადაწყვეტილება ერთობლივად უნდა იყოს მიღებული. აქვე მინდა აღვნიშნო, რომ ჩვენ პარტიაში იქნებიან არამხოლოდ ცნობილი სახეები, არამედ უცნობებიც. ძირითადი მოთხოვნა წევრების მიმართ იქნება ერთმანეთის დახმარება და ხელშეწყობა პოლიტიკურ ასპარეზზე. ჩვენ დაინტერესებულები ვიქნებით ძლიერ ოპონენტებთან თანამშრომლობაში“,-განაცხადა უსუფაშვილმა.

კითხვაზე იქნება თუ არა დავით უსუფაშვილი მერობის კანდიდატი, პარლამენტის ყოფილმა თავმჯდომარემ აღნიშნა, რომ პარტიას შერჩეული აქვს  რამდენიმე საინტერესო ვარიანტი. უსუფაშვილმა საკუთარი კანდიდატურის წარდგენა არც დაადასტურა და არც უარყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტეხასის შტატში სკოლებში ბიბლიის სავალდებულო შესწავლა დამტკიცდა, გადაწყვეტილებას აშშ-ს საკონსტიტუციო სასამართლოში გაასაჩივრებენ

ყირიმში მასშტაბური ტყის ხანძარი გაჩნდა

სიკორსკიმ გააკრიტიკა პოლონეთის რეაქცია „თეთრი არწივის ორდენის“ სკანდალზე

გახარია - ქვეყანაში ოპოზიციაში ყოფნა დღეს ფიზიკური უსაფრთხოების რისკს უკავშირდება