როგავების ოჯახის წევრების აქციაზე, დაუმორჩილებლობისა და წვრილმანი ხულიგნობის ბრალდებით ქალბატონი დააკავეს

2017-04-26 12:56:18, 2183 ნახვა

სამართალი

ე.წ. მესაზღვრეების მიერ დაკავებული როგავების ოჯახის წევრების აქციაზე სამართალდამცველებმა ერთი ქალბატონი დააკავეს.

როგორც „ექსპრესნიუსს“ შინაგან საქმეთა სამინისტროში განუცხადეს, ენგურის ხიდზე მისი დაკავება ადმინისტრაციულ სამართალდარღვევათა კოდექსის 166-ე- წვრილმანი ხულიგნობისა და 173-ე-კანონიერი განკარგულებისადმი, ან მოთხოვნისადმი დაუმორჩილებლობის მუხლებით მოხდა.

ქალბატონს დაჯარიმების შემდეგ გაათავისუფლებენ.

მამა-შვილი როგავების ოჯახის წევრები საქართველოს ხელისუფლებისგან მათ გასათავისუფლებლად, უფრო ქმედითი ნაბიჯების გადადგმას ითხოვენ.

არჩილ და პაატა როგავები ე.წ. მესაზღვრეებმა ზუგდიდის რაიონის სოფელ რიყეში, 5 აპრილს იმ დროს დააკავეს, როცა ისინი მდინარე ენგურზე სათევზაოდ იმყოფებოდნენ.

მათ ბრალი დე-ფაქტო საზღვრის უკანონო გადაკვეთაში ედებათ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან