გიორგი მარგველაშვილმა საკონსტიტუციო სასამართლოს თავმჯდომარესთან საკონსტიტუციო რეფორმის საკითხები განიხილა

2017-04-20 16:34:04, 1486 ნახვა

საზოგადოება

საქართველოს პრეზიდენტი გიორგი მარგველაშვილი ,,კონსტიტუცია ყველასია'' კამპანიის ფარგლებში დღეს ბათუმში საკონსტიტუციო სასამართლოს თავმჯდომარესა და მოსამართლეებს შეხვდა.

პრეზიდენტის ადმინისტრაციის პრესსამსახურის ინფორმაციით, საკონსტიტუციო სასამართლოში გამართულ სამუშაო შეხვედრაზე საკონსტიტუციო კომისიის მიერ მომზადებული საკონსტიტუციო რეფორმის დოკუმენტის ის ნაწილი განიხილეს, რომელიც საკონსტიტუციო სასამართლოს შეეხება.

პრეზიდენტმა კიდევ ერთხელ დაადასტურა საქართველოს საკონსტიტუციო სასამართლოს მხარდაჭერა და აღნიშნა, რომ ბათუმში ყოფნისას ყოველთვის სტუმრობს სასამართლოს ამ საკონსტიტუციო ორგანოს პატივისცემის ნიშნად.

,,დღეს ბათუმში "კონსტიტუცია ყველასია" კამპანიის ფარგლებში ვიმყოფები და მქონდა შესაძლებლობა პატივცემული მოსამართლეებისთვის მეკითხა ზოგადად, რას ფიქრობენ საკონსტიტუციო ცვლილებების იმ ნაწილთა მიმართებაში, რაც შეეხება საკონსტიტუციო სასამართლოს'', - აღნიშნა პრეზიდენტმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან