"მილიონი ხე სადღეგრძელოსავით მეჩვენებოდა",-ასე მიმართა საკრებულოს დამოუკიდებელმა დეპუტატმა ალეკო ელისაშვილმა თბილისის მერ დავით ნარმანიას ანგარიშის წარდგენის შემდეგ.
მისივე თქმით, მილიონი ხის დარგვის მას არ სჯეროდა, თუმცა ამ სლოგანით დედაქალაქის მერი სიტყვაში გამოიჭირა.
ცნობისთვის, საკრებულოსთან შეკრებილებმა მერს ხმაურიანი დახვედრა მოუწყვეს და საარჩევნო დაპირებები შეახსენეს. ადგილზე მივიდნენ პარტიზანი მებაღეებიც, რომლებმაც  მოჭრილი ნაძვის ტოტები მიიტანეს. მათი თქმით, ბოლო 2 დღის განმავლობაში, იპოდრომის ტერიტორიაზე ხეები ინტენსიურად იჩეხება. საკრებულოში შესვლამდე დავით ნარმანიამ აქციის მონაწილეების შეკითხვებს არ უპასუხა და მხოლოდ მცირე კომენტარით შემოიფარგლა: "დანაპირებზე საუბარი მექნება საკრებულოს სხდომაზე და 1 მილიონი ხე დაირგვება აუცილებლად",-აღნიშნა  დავით ნარმანიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

SJC: რუსეთის მიერ ცხინვალის რეგიონის ფაქტობრივი ანექსია უფრო აგრესიულ ეტაპზე გადავიდა

„თეგეტამ“ „დეილი ჯგუფს“ საოპერაციო ლიზინგის ფარგლებში FAW-ის 50 სატვირთო ავტომობილი მიაწოდა

ბერა ივანიშვილზე დაწერილი პოსტის გამო, ნატა ფერაძე სასამართლოში დაიბარეს

სუს: სოფელ ბერუშეთთან ოკუპანტების მიერ დაკავებული საქართველოს მოქალაქე თავისუფალია