ნატოს დღეების ფარგლებში, ვაზიანში IV მექანიზებული ბრიგადის სამხედრო ბაზაზე მედიის წარმომადგენლებისთვის პროექტი „ერთი დღე ჯარში“ ჩატარდა. პროექტში მონაწილეობდნენ ჟურნალისტები როგორც რეგიონებიდან, ისე თბილისიდან.

ორი დღის განმავლობაში მონაწილეები გაეცნენ საქართველოს შეიარაღებული ძალების ყოფა-ცხოვრებას, თუ როგორ მომზადებას გადიან საერთაშორისო მისიებში გამგზავრების წინ, ესტუმრნენ ნატო-საქართველოს წვრთნისა და შეფასების ერთობლივ სასწავლო ცენტრს (JTEC), დააგემოვნეს სამხედრო ულუფებიც.  მონაწილეებმა, ასევე, მიიღეს ინფორმაცია ნატოს, ნატო-საქართველოს თანამშრომლობის, საერთაშორისო მისიებში სამხედრო მოსამსახურეების მონაწილეობის შესახებ.

პროექტი გენერალური შტაბის უფროსმა ბრიგადის გენერალმა ვლადიმერ ჩაჩიბაიამ გახსნა. მონაწილეებს სემინარის მეორე დღეს ნატოსა და ევროკავშირის შესახებ საინფორმაციო ცენტრის დირექტორი ნინო ბოლქვაძეც მიესალმა. ნატოს შესახებ ლექციები კი ექსპერტებმა ბათუ ქუთელიამ, თორნიკე შარაშენიძემ, საგარეო საქმეთა სამინისტროს წარმომადგენელმა თეიმურაზ კეკელიძემ და სხვა მომხსენებლებმა მიაწოდეს.

ჟურნალისტებს მიეცათ შესაძლებლობა, დაეთვალიერებინათ ვაზიანის სამხედრო ბაზის ტექნიკა, ჩართულიყვნენ სიმულაციურ სროლებსა და მოენახულებინათ ვაზიანის სასროლეთი.

პროექტი ნატოსა და ევროკავშირის შესახებ საინფორმაციო ცენტრისა და თავდაცვის სამინისტროს ორგანიზებით ჩატარდა.

ნატოს დღეები საქართველოში წელს მეათედ იმართება. ის 2-დან 11 აპრილამდე გაგრძელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა