"ცენტრ პოინტის" საქმის თეთრი მაგნოლიას ეპიზოდზე სასამართლო პროცესი დღეს გაგრძელდება.

როგორც რჩეულიშვილების ადვოკატი მარი ცუცქირიძი აცხადებს, ამ საქმეზე დაკავებულ გუკა რჩეულიშვილს წინასწარი პატიმრობის 9-თვიანი ვადა რამდენიმე დღეში ეწურება და მისივე თქმით, არ არის გამორიცხული, რომ ის დღევანდელი სასამართლო პროცესიდანვე გაათავისუფლონ.

რაც შეეხება მაია რჩეულიშვილს, ადვოკატის განცხადებით, მას შემდეგ რაც მაია რჩეულიშვილს აღკვეთის ღონისძიების სახით სხვა ეპიზოდზე 4-წლიანი პატიმრობა უკვე შეუფარდეს, უფლებადამცველი ამ ეპიზოდზე აღკვეთის ღონისძიების სახით პატიმრობის შეფარდების აუცილებლობას ვერ ხედავს და ის სასამართლო პროცესზე შესაბამის შუამდგომლობასაც წამოაყენებს.

ადვოკატმა საპროცესო შეთანხმებასთან დაკავშირებითაც გააკეთა კომენტარი. მარი ცუცქირიძე განმარტავს, რომ თუ პროკურატურა ორივე მხარისთვისთვის ხელსაყრელ პირობებს წამოაყენებს, დაცვის მხარე თანამშრომლობაზე თანახმაა. 

"ცენტრ პოინტ მაგნოლიას" ეპიზოდზე ბრალდებულები მაია და გურამ რჩეულიშვილები არიან. მათ ბრალად მენაშენეთა თანხების მითვისება და გაფლანგვა ედებათ.დღევანდელი სასამართლო სხდომა 11-ის ნახევარზეა ჩანიშნული.

თბილისის საქალაქო სასამართლომ, „ცენტრ პოინტის“ დამფუძნებლებს, მაია რჩეულიშვილს და რუსუდან კერვალიშვილს 4-4 წლით თავისუფლების აღკვეთა შეუფარდა. "ცენტრ პოინტის" დამფუძნებლებს და "დექსუსის" დამფუძნებელ ივანე ცაგურიას ბრალი თაღლითობა-თანხების მითვისებაში ედებათ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა