პრეზიდენტ გიორგი მარგველაშვილის განცხადებით, ნატო-ს მხარდაჭერისა და ღირებულებების ირგვლივ გაერთიანება საქართველოში უკვე ურყევი ტრადიციაა, რაც ძალიან მნიშვნელოვანია.

როგორც პრეზიდენტმა ნატო-ს დღეები 2017-ის ფარგლებში მიმდინარე ღონისძიებაზე სიტყვით გამოსვლისას განაცხადა, ქართველი ჯარისკაცები სტაბილურობისა და სიმშვიდისთვის მსოფლიოს სხვადასხვა წერტილში იბრძვიან. 

გიორგი მარგველაშვილმა ჯარისკაცებს მადლობა გადაუხადა. მან ასევე, მადლობა გადაუხადა ოჯახებს, რომლებიც თავიანთ შვილებს ამ ბრძოლაში აგზავნიან.

ამასთან, გიორგი მარგველაშვილმა შავი ზღვის უსაფრთხოების მნიშვნელობაზეც ისაუბრა და აღნიშნა, რომ შავი ზღვის უსაფრთხოება და დაცულობა არის მნიშვნელოვანი არა მხოლოდ ნატო-ს წევრი ქვეყნებისთვის და საქართველოსთვის, არამედ გლობალურად.

"რათა თანამშრომლობა რეგიონული აზიასა და ევროპის შორის იყოს უსაფრთხო და პერსპექტიული", - განაცხადა გიორგი მარგველაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის