ერაყში ტერორისტული დაჯგუფება "ისლამური სახელმწიფოს" ერთ-ერთი ლიდერის აბუ ბაკრ ალ ბაგდადის  "მარჯვენა ხელი" ავიაიერიშის შედეგად დაიღუპა, - ამის შესახებ ერაყის სამთავრობო არხი IMN იუწყება.

მედია საშუალების ინფორმაციით, საუბარია დაჯგუფების ე.წ ომის მინისტრზე, იად ჰამიდ ალ ჯუმეილზე. ე.წ მინისტრის ლიკვიდირება ქალაქ ელ-კაიმში, სირიის საზღვართან მოხდა.

"დაზვერვის ინფორმაციით, სამთავრობო საჰაერო ძალებმა ავიაიერიში "ისლამური სახელმწიფოს" სამხედრო ბაზაზე მიიტანეს, რის შედეგადაც დაჯგუფების მეორე მეთაური დაიღუპა. იად ჰამიდ ალ ჯუმეილი ტერორისტია, რომელიც ცნობილია, როგორც აბუ იახია. ის დაჯგუფების - ე.წ ომის მინისტრია", - ნათქვამია დაზვერვის განცხადებაში.

ამასთან, ავიაიერიშის განხორციელების თარიღი განცხადებაში არ სახელდება. მათივე ინფორმაციით, აღნიშნული იერიშის დროს "ისლამური სახელმწიფოს" კიდევ ორი ადგილობრივი ლიდერი დაიღუპა.

როგორც ტელეკომპანია იტყობინება, ჰამიდ ალ ჯუმეილი მედია საშუალებებში, როგორც ადგილობრივი ძალოვანი სტრუქტურების ყოფილი თანამშრომელი ფიგურირებდა.

ცნობისთვის, ტელეკომპანია Sky News Arabia-მ 2016 წლის აგვისტოში გაავრცელა ინფორმაცია, ალ ჯუმეილის ქალაქ მოსულში შესაძლო ლიკვიდირების შესახებ, ინფორმაცია გაავრცელა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დააკავეს კაცი, რომელმაც მიუსაფარი ძაღლი დაჭრა

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს