საბურთალოს რაიონის გამგეობამ რაიონში არსებული 19 საჯარო სკოლის მოსწავლეებისათვის ახალი საგანმანათლებლო პროექტი დაიწყო.

როგორც "ექსპრესნიუსს" თბილისის მერიიდან აცნობეს, „თვითმართველობა სკოლებში“ ადგილობრივი თვითმართველობის ფუნქციონირებასა და მისი არსის შესახებ მოზარდებში ცნობიერების ამაღლებას ემსახურება.

პროექტის პირველი საპრეზენტაციო შეხვედრა დღეს, N62 საჯარო სკოლაში გაიმართა. ღონისძიება საბურთალოს რაიონის გამგებელმა ბექა მიქაუტაძემ გახსნა და ადგილობრივი თვითმართველობის არსზე ისაუბრა. 

მისი თქმით ახალგზარდების ჩართულობა და სამოქალაქო თვითშეგნების მაღალი დონე განსაზღვრავს რაიონის, ქალაქის და ქვეყნის წარმატებულ განვითარებას.

სალექციო კურსს მეცნიერებათა დოქტორი და პროფესორი ზაზა ქოიავა კითხულობს. აღნიშნული სალექციო კურსი მოიცავს ვიდეო რგოლების ჩვენებას, დისკუსიებს, კონკრეტული შემთხვევების განხილვას, ასევე სპეციალური კითხვარების შევსებას ლექციის დაწყებამდე და მისი დასრულების შემდეგ.

„თვითმართველობა სკოლებში“ სამთვიანი პროექტია და ის რაიონის 19 საჯარო სკოლაში ეტაპობრივად განხორციელდება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი