საქართველოს მთავრობის ადმინისტრაციის შენობაში, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის პირველი მოადგილე არჩილ ყარაულაშვილი ევროპის საბჭოს საპარლამენტო ასამბლეის მონიტორინგის კომიტეტის წევრს კერსტინ ლუნდგრენს შეხვდა.

კერსტინ ლუნდგერმა საქართველოს მოსახლეობას ევროკავშირთან უვიზო მიმოსვლის ამოქმედება მიულოცა და საქართველოს მთავრობის მიერ ამ მიმართულებით განხორციელებული ღონისძიებები დადებითად შეაფასა.

თავის მხრივ, არჩილ ყარაულაშვილმა ევროპის საბჭოს საპარლამენტო ასამბლეის მონიტორინგის კომიტეტის წევრს გააცნო ასოცირების შეთანხმებით გათვალისწინებული ვალდებულებების განხორციელების კუთხით საქართველოს მიერ მიღწეული შედეგები და ხაზი გაუსვა ევროინტეგრაციის შესახებ საზოგადოებასთან სტრატეგიული  კომუნიკაციის მნიშვნელობას.

შეხვედრაზე, ასევე, ყურადღება გამახვილდა საქართველოსა და ნატოს შორის თანამშრომლობასა და ამ მიმართულებით მიმდინარე რეფორმებზე. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის