საქართველოს პრეზიდენტი გიორგი მარგველაშვილი რუმინეთის თავდაცვის მინისტრს მირჩეა დუშას შეხვდა.

პრეზიდენტის პრესსამსახურის ინფორმაციით, შეხვედრისას მხარეებმა თავდაცვის სფეროში  არსებული  ორმხრივი თანამშრომლობის საკითხები განიხილეს.  

საუბარი ასევე შეეხო  საქართველო-ნატო-ს შორის თანამშრომლობის საკითხებს.  მხარეებმა  ჩრდილო-ატლანტიკური ალიანსის უელსის სამიტზე მიღებული გადაწყვეტილებების ეფექტიანი იმპლემენტაციის გზებზეც იმსჯელეს.

განსაკუთრებული ყურადღება დაეთმო საქართველოს ოკუპირებულ ტერიტორიებზე არსებულ მდგომარეობას და რეგიონში არსებულ უსაფრთხოების გარემოს.

შეხვედრას თავდაცვის მინისტრი მინდია ჯანელიძე, უშიშროების საბჭოს მდივანი ირინე იმერლიშვილი, პრეზიდენტის ადმინისტრაციის უფროსი დავით პატარაია, საქართველოს ელჩი რუმინეთში ილია გიორგაძე, საქართველოს შეიარაღებული ძალების გენერალური შტაბის უფროსი, გენერალ-მაიორი ვახტანგ კაპანაძე და პრეზიდენტის მრჩეველი თენგიზ ფხალაძე დაესწრნენ.

რუმინეთის თავდაცვის მინისტრი მირჩეა დუშა საქართველოში  ორდღიანი ოფიციალური ვიზიტით იმყოფება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მედვედევი: NATO-მ ტარანად გამოიყენა საქართველო, უკრაინა, იგივე ხდება მოლდოვაში, სომხეთში

Reuters: უკრაინის თავდასხმის შედეგად, მოსკოვის ნავთობქარხანა წელს ვეღარ იმუშავებს

Rádio Caracol: ვენესუელაში მიწისძვრამ უზარმაზარი ზიანი მიაყენა

რუმინეთის პარლამენტის ქვედა პალატამ მოლდოვასთან გაერთიანების შესახებ კანონი დაამტკიცა