სოფლის მეურნეობის მინისტრის პირველი მოადგილე ნოდარ კერესელიძე და სოფლის მეურნეობის მინისტრის მოადგილე გიორგი ჩხეიძე საფრანგეთის განვითარების საააგენტოს (AFD) დელეგაციის წევრებს შეხვდნენ.

შეხვედრაზე ნოდარ კერესელიძემ სააგენტოს წარმომადგენლებს სოფლის მეურნეობის განვითარების მხარდამჭერი სახელმწიფო პროგრამები გააცნო და ყურადღება სოფლის განვითარების სტრატეგიაზე გაამახვილა. მინისტრის მოადგილემ ევროკავშირთან ღრმა და ყოვლისმომცველი თავისუფალი სავაჭრო სივრცის შესახებ შეთანხმების (DCFTA) ძირითადი ვალდებულებების  შესახებაც ისაუბრა და მათი შესრულების ნაწილში ქართული ნიშური პროდუქციის ევროკავშირის ბაზარზე გატანის მნიშვნელობის საკითხს გაუსვა ხაზი. 

მხარეებმა შეხვედრაზე საქართველოსა და საფრანგეთს შორის პარტნიორული ურთიერთობის მნიშვნელობასა და  თანამშრომლობის გაღრმავების საკითხებზე იმსჯელეს. აღინიშნა, რომ განვითარების სააგენტო მცირე მეწარმეებისა და ფერმერებისთვის ხელშემწყობ პროექტებს  განახორციელებს. 

თბილისში, საფრანგეთის განვითარების სააგენტოს (AFD) წარმომადგენლობის ოფისი დღეს, 22 მარტს გაიხსნება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს