ეპისკოპოსი: არ მგონია, რომ საპატრიარქოში დაპირისპირებას ჰქონდეს ადგილი, აზრთა სხვადასხვაობა კი შეიძლება

2017-03-09 12:32:25, 1874 ნახვა

კომენტარი

ბელგიისა და ჰოლანდიის ეპისკოპოსის დოსითეოზის შეფასებით, მას არ ჰგონია, რომ საპატრიარქოში დაპირისპირებას ჰქონდეს ადგილი.

მისივე თქმით, შესაძლოა აზრთა სხვადასხვაობა იყოს.

"არ მგონია, რომ საპატრიარქოში დაპირისპირებას ჰქონდეს ადგილი, აზრთა სხვადასხვაობა კი შეიძლება", - აღნიშნა სასულიერო პირმა.

კითხვაზე - სჯერა თუ არა პროკურატურის მიერ გუშინ გავრცელებული ჩანაწერების, ეპისკოპოსმა განმარტა, რომ ყველაფერი არის ასაწონ-დასაწონი და სიბრძნით მიდგომა უნდა.

"ყველაფერს უნდა სიბრძნით მიდგომა და არა ემოციურად", - განაცხადა ეპისკოპოსმა.

ცნობისთვის, საპატრიარქოში წმინდა სინოდის სხდომა მიმდინაროებს. აღსანიშნავია, რომ დღევანდელი სხდომა ე.წ ციანის საქმის გახმაურების შემდეგ პირველად იმართება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან