აღსრულების ეროვნულ ბიუროს ყირგიზეთის დელეგაცია ეწვია. ბიუროს თავმჯდომარე იოსებ ბაღათურიამ ყირგიზეთის იუსტიციის მინისტრ ურან ახმეტოვს აღსრულების ეროვნული ბიუროს საქმიანობა გააცნო. შეხვედრაზე საუბარი შეეხო სააღსრულებო წარმოების პროცედურებს, ბიუროს სერვისებს - მოვალეთა რეესტრი, გამარტივებული საქმისწარმოება, ელექტრონული აუქციონი, აღსრულების პოლიციის მუშაობის სპეციფიკას.

ყირგიზეთის იუსტიციის მინისტრმა ინტერესი გამოთქვა დამატებით გაეცნოს აღსრულების სფეროში ქართული მხარის მიერ გატარებულ რეფორმებს და გამოცდილების გაზიარების მიზნით შეიქმნას ინფორმაციის აქტიური გაცვლის მექანიზმები.

იოსებ ბაღათურიამ დელეგაციის წევრებს ის რეფორმები გააცნო, რომლებიც ბოლო წლების განმავლობაში აღსრულების ეროვნულ ბიუროში განხორციელდა.

ვიზიტის ფარგლებში, ყირგიზეთის იუსტიციის მინისტრი შეხვდა ქართველ კოლეგას, თეა წულუკიანს. სამინისტროს დელეგაციის წევრებს საშუალება მიეცათ, მონაწილეობა მიეღოთ იუსტიციის სახლის მიერ ორგანიზებულ ტურში, გაცნობოდნენ სერვისების გაცემის პროცესს. ასევე, დელეგაცია სტუმრობდა მარტყოფის საზოგადოებრივ ცენტრსა და ეროვნული არქივის საგამოფენო პავილიონს.

ყირგიზეთის დელეგაციის ვიზიტი სამდღიანია და ის დღეს, 7 მარტს სრულდება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

500 Global in Eurasia-ს მეათე ნაკადის დემო დღე 25 ივნისს გაიმართება

საქართველოს ბანკისა და Emolas Corporation - ის პარტნიორობის ფარგლებში, სამეფო უბნის თეატრი სპექტაკლ „მოახლეებს“ ნიუ იორკის სცენაზე წარადგენს

ალეკო ელისაშვილმა პაპუაშვილს სასამართლოში უჩივლა

Procter & Gamble-მა სანქცირებულ TV იმედთან თანამშრომლობა შეწყვიტა