საქართველოს უზენაესმა სასამართლომ "რუსთავი 2"-ის საქმესთან დაკავშირებით არსებულ დავას წერტილი დაუსვა და ბიზნესმენ ქიბარ ხალვაშს ტელეკომპანიის წილის 60% გადასცა, - ამის შესახებ BBC იუწყება.

როგორც მედია საშუალება წერს, უზენაესი სასამართლოს გადაწყვეტილებით ტელეკომპანიის დარჩენილი 40% წილი ასევე ქიბარ ხალვაშს, კერძოდ კი, მის საკუთრებაში არსებულ კომპანია "პანორამას" გადაეცა.

BBC-ის ცნობით, "რუსთავი 2' პოპულარული ტელეარხია, რომელიც ხელისუფლებისადმი დიდი კრიტიკით გამოირჩევა. მაღალჩინოსნები ხშირად ბრალს სდებდნენ "რუსთავი 2"-ს ქვეყნის ყოფილი პრეზიდენტის მიხეილ სააკაშვილის და "ნაციონალური მოძრაობის" ინტერესების დაცვაში.

უზენაესი სასამართლოს გადაწყვეტილება არის საბოლოო და ქვეყნის ფარგლებში გასაჩივრებას არ ექვემდებარება. ამასთან, ტელეკომპანიის ადვოკატებმა სტრასბურგის სასამართლოში საჩივარი უკვე შეიტანეს. აღსანიშნავია, რომ ევროპული სასამართლო საქმეზე გადაწყვეტილებას არ იღებს, არამედ ადგენს, იყო თუ არა დარღვეული სასამართლო პროცედურა და ასე შემდეგ.

მედიის ცნობით, "რუსთავი 2" 1994 წელს შეიქმნა. ტელეკომპანიამ ვარდების რევოლუციის დროს დიდი როლი ითამაშა და მას "გამარჯვებული ხალხის ტელევიზიას" უწოდებდნენ. რევოლუციის შემდეგ, ტელეკომპანია, რომელიც ცნობილი იყო ხმამაღალი რეპორტაჟებით, არაერთხელ გამხდარა ბრალდებების ობიექტი. კერძოდ "რუსთავი 2" იმ დროინდელი მთავრობის მიერ  მართულად თვლიდნენ. 2012 წელს საპარლამენტო არჩევნების შემდეგ, ტელეკომპანიამ მოქმედი ხელისუფლების ("ქართული ოცნების") კრიტიკა დაიწყო.

ცნობისთვის, BBC-ის გარდა "რუსთავი 2"-ის საქმესთან დაკავშირებით მიღებულ გადაწყვეტილებას რამდენიმე გავლენიანი უცხოური მედია საშუალება გამოეხმაურა, როგორებიცაა: Associated Press, Herald, Reuters.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს