ნატო-ს სამხედრო კომიტეტის სხდომის დასრულების შემდეგ, ნატო-ს სამხედრო კომიტეტის თავმჯდომარე, გენერალი პეტრ პაველი საქართველოს ტერიტორიული მთლიანობისთვის ბრძოლაში დაღუპული ქართველი გმირების ხსოვნის პატივის მისაგებად გმირთა მოედანზე მივიდა.

თავდაცვის სამინისტროს ინფორმაციით, გენერალთან ერთად იმყოფებოდნენ ალიანსის წევრი ქვეყნების სამხედრო წარმომადგენლები.

უწყების პრესსამსახურის ცნობით, სამხედრო კომიტეტის სახელით, გენერალმა პეტრ პაველმა საქართველოს ერთიანობისთვის ბრძოლაში დაღუპული გმირების ხსოვნას წუთიერი დუმილით პატივი მიაგო და მემორიალი გვირგვინით შეამკო.

მემორიალთან ასევე, იმყოფებოდნენ საქართველოს შეიარაღებული ძალების გენერალური შტაბის უფროსი, ბრიგადის გენერალი ვლადიმერ ჩაჩიბაია, მისი პირველი მოადგილე, პოლკოვნიკი ნიკოლოზ ჯანჯღავა, ნატო-ში საქართველოს სამხედრო წარმომადგენელი, გენერალ-მაიორი ვახტანგ კაპანაძე და ალიანსში საქართველოს მისიის ხელმძღვანელი ალექსანდრე მაისურაძე. 

დღესვე, საქართველოში ოფიციალური ვიზიტით მყოფი გენერალი პეტრ პაველი საქართველოს პრეზიდენტ გიორგი მარგველაშვილთან და პრემიერ-მინისტრ გიორგი კვირიკაშვილთან შეხვედრებს გამართავს.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„როსსტატის“ მონაცემებით, ბენზინის ფასების ყოველკვირეული ზრდა ბოლო 20 წლის განმავლობაში ყველაზე დიდია

ზელენსკი: ბელარუსის საზღვარზე აპარატურამ, რომელიც რუსულ დრონებს აკორექტირებდა, მუშაობა შეწყვიტა

დროა: პენიტენციურმა პირობა დაარღვია და ხოშტარიასთან მისი მკურნალი ექიმი არ შეუშვა

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო