2017-03-02 12:23:22, 1755 ნახვა
პოლიტიკა
გიორგი მარგველაშვილმა ალექსანდრე ლუკაშენკო საქართველოში მოიწვია
ბელარუსში ოფიციალური ვიზიტის ფარგლებში გიორგი მარგველაშვილსა და ალექსანდრე ლუკაშენკოს შორის დღეს კიდევ ერთი შეხვედრა შედგა.
პრეზიდენტის ადმინისტრაციის პრესსამსახურის ინფორმაციით, ლიდერებმა ვიზიტის შედეგები შეაჯამეს და მიღწეული შეთანხმებების განხორციელების კონკრეტულ გზებზე ისაუბრეს.
გიორგი მარგველაშვილმა კოლეგა საქართველოში მოიწვია.
ცნობისთვის, გიორგი მარგველაშვილი ბელარუსის პრეზიდენტს ალექსანდრე ლუკაშენკოს ოფიციალური ვიზიტის ფარგლებში უკვე მეორედ შეხვდა. გუშინ გამართული შეხვედრა 3 საათზე მეტ ხანს გაგრძელდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
