2017-02-28 17:54:00, 2357 ნახვა
სამართალი
სიღნაღის სასამართლოში პროცესზე მისაყვანი პატიმარი აერიათ - სხდომა გადაიდო
სიღნაღის სასამართლოში პროცესზე მისაყვანი პატიმარი აერიათ, რის გამოც პროცესი გადაიდო.
როგორც ბრალდებულის ადვოკატმა ზურაბ ბეგიაშვილმა აღნიშნა, სასჯელაღსრულების დაწესებულებაში პატიმარი ერთი და იმავე სახელით ირიცხებოდა.
"აღმოჩნდა, რომ სასჯელაღსრულების დაწესებულებაში პატიმარი ერთი და იმავე სახელით ირიცხებოდა, რის გამოც პროცესზე ჩემთვის უცნობი ბრალდებული წარადგინეს", - განაცხადა ბრალდებულის ადვოკატმა ზურაბ ბეგიაშვილმა.
ცნობისთვის, სიღნაღის რაიონული სასამართლოს, სისხლის სამართლის კოდექსის 137-ე მუხლით დაკავებული პირის ბრალეულობაზე დღეს უნდა ემსჯელა. საქმე სიღნაღში ტურისტის გაუპატიურებას ეხება, რის გამოც სამართალდამცველებმა ერთი პირი, ერთი თვის წინ დააკავეს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
