ე.წ. მატროსოვის ციხეში მამა გიორგი მამალაძის დაკითხვა დღესაც გაგრძელდება.

დეკანოზის ადვოკატები ციხეში სავარაუდოდ 11:00 საათისთვის მივლენ.

შეგახსენებთ, მამა გიორგი მამალაძის დაკითხვა გუშინ 8 საათის განმავლობაში მიმდინარეობდა.

როგორც დაკითხვის შემდეგ პროკურორმა ჯარჯი წიკლაურმა განაცხადა, ბრალდებულისგან ვრცელი ინფორმაცია მიიღეს, რის გამოც ყველა შეკითხვის დასმა ვერ მოხერხდა.

"ბრალდებულისგან ზუსტი ინფორმაციის მიღება არ დასრულებულა, და პრაქტიკულად, კიდევ ბევრი შეკითხვა უნდა დაისვას. დღეისთვის სამართლებრივი შეფასება, რაც თქვა ბრადლებულმა, რაიმე დასკვნის გაკეთება არის არასერიოზული ჩვენი ბრალდების მხრიდან, ასევე ადვოკატების მხრიდან. სანამ არ დასრულდება სრულყოფილი ინფორმაციის მიღება, სრულიად არასერიოზულია ამ ეტაპზე დღეს სამართლებრივი შეფასება", - აღნიშნა ჟურნალისტებთან საუბრისას ჯარჯი წიკლაურმა. 

ამასთან, დეკანოზის ადვოკატის, მიხეილ რამიშვილის განცხადებით, მამა გიორგი მამალაძემ გარკვეულ კითხვებზე ამომწურავი პასუხის გაცემისგან თავი შეიკავა და მიზეზად ოჯახისა და საკუთარი თავის უსაფრთხოება დაასახელა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს