იოჰანეს ჰანი: დარწმუნებული ვარ, საქართველოს ბევრი მოქალაქე გამოიყენებს ამ შანსს და ჩამოვა ევროპაში

2017-02-27 16:59:45, 2235 ნახვა

საზოგადოება კომენტარი

ევროკომისარმა გაფართოების საკითხებში იოჰანეს ჰანმა საქართველოს მთავრობას და ქართველ ხალხს ევროკავშირის საბჭოს მიერ ახალი რეგულაციების მიღება მიულოცა.

როგორც ჰანმა აღნიშნა, საქართველომ უვიზო მიმოსვლა დაიმსახურა და რეფორმების გრძელი გზა გაიარა.

"ძალიან ბედნიერი ვარ. საკითხზე წელზე მეტია ვმუშაობდით. საქართველომ შეასრულა ყველა საჭირო რეფორმა და დააკმაყოფილა მოთხოვნები. საქართველო იმსახურებს ამას და გილოცავთ. დაგვჭირდება რამდენიმე კვირა, მაგრამ გადაწყვეტილება მიღებულია. გაადვილდება საქართველოს მოქალაქეებისთვის მგზავრობა. არ დასჭირდებათ ვიზა, მხოლოდ ბიომეტრიული პასპორტით გადაადგილდებიან. ამ გადაწყვეტილებას სიმბოლური მნიშვნელობაც აქვს ეს დასტურია ჩვენს შორის ახლო ურთიერთობის. მიხარია, რომ საქართველოს მოქალაქეები გამოიყენებენ ამ შანს და ჩამოვლენ ევროპაში. ისევე, როგორც ბევრი ევროპელი ეწვევა საქართველოს და ნახავს ამ არაჩვეულებრივ ქვეყანას", - განაცხადა ჰანმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან