ადვოკატ გიორგი ფანცულაის განცხადებით, მას პოლიტიკურად ანგაჟირებული განცხადებების გაკეთებას სთხოვენ. ამის შესახებ დეკანოზ გიორგი მამალაძის ადვოკატმა ჩაფიძის კლინიკაში მისვლისას განაცხადა. 

როგორც ფანცულაიამ აღნიშნა, დიკანოზ გიორგი მამალაძის საქმიდან პოლიტიკური კარიერის გაკეთებას არ აპირებს.

"ამ დღეებში ჩემი ამ საქმეში მონაწილეობის თაობაზე გაკეთდა არაერთი განცხადება, თუ ვისი მეშვეობით შეიძლება ჩავრთულიყავი ამ საქმეში, რატომ არ ვაკეთებ ანგაჟირებულ განცხადებებს. ამ სიტყვების ადრესატებმა გაიგონ, რომ საქართველოში ერთხელ და სამუდამოდ უნდა გაიმიჯნოს ადვოკატობა და პოლიტიკა, მე ამ საქმიდან არ ვაპირებ პოლიტიკური კარიერის გაკეთებას", - განაცხადა გიორგი ფანცულაიამ.

ამასთან, ადვოკატს არ დაუკონკრეტებია, თუ ვინ მოითხოვა მისგან პოლიტიკური განცხადებების კეთება.

ცნობისთვის, დეკანოზი გიორგი მამალაძე ე.წ. მატროსოვის ციხიდან ჩაფიძის გულის ცენტრში გუშინ გვიან ღამით გადაიყვანეს. როგორც კლინიკის სამედიცინო დირექტორმა ზაზა ლაზარაშვილმა ჟურნალისტებს განუცხადა, დეკანოზი მათთან გონების დაკარგვის დიაგნოზით შეიყვანეს.

მისივე თქმით, დეკანოზ გიორგი მამალაძის ჯანმრთელობის მდგომარეობა სტაბილურია, თუმცა გამოკვლევების ჩასატარებლად და მკურნალობის გასაგრძელებლად ის კლინიკაში რჩება.

შეგახსენებთ, დეკანოზი გიორგი მამალაძე პროკურატურის თანამშრომლებმა მკვლელობის მომზადების ფაქტზე ბრალდებულის სახით 10 თებერვალს დააკავეს. 12 თებერვალს საქართველოს პროკურატურის შუამდგომლობის საფუძველზე თბილისის საქალაქო სასამართლოს განჩინებით გიორგი მამალაძეს აღკვეთის ღონისძიების სახით პატიმრობა შეეფარდა. იგი რუსთავის მე-6 პენიტენციურ დაწესებულებაში იმყოფებოდა, 15 თებერვალს კი, ე.წ. მატროსოვის ციხეში გადაიყვანეს. აღსანიშნავია, რომ დეკანოზი წარდგენილ ბრალს არ აღიარებს და დუმილის უფლებას იყენებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს