გვარამია-ახვლედიანის საუბრის  ჩანაწერის საქმის პროკურორის მარიამ გოგორელიანის განცხადებით, მამუკა ახვლედიანისთვის დასმული შეკითხვების ნაწილი უშუალოდ პირადი საუბრის უნებართვოდ მოპოვება-გავრცელების საკითხს შეეხებოდა.

ამის შესახებ პროკურორმა ჟურნალისტებს საქალაქო სასამართლოში მამუკა ახვლედიანის მოსამართლის წინაშე გამოკითხვის დასრულების შემდეგ განუცხადა.

„შეკითხვების ძირითადი ნაწილი შეეხებოდა სწორედ იმ ნაწილს, რაზეც მიმდინარეობს გამოძიება, მაგრამ გამოძიების ეტაპზე გამოძიება ვალდებულია საქმე გამოძიოს ყოველმხრივ მათ შორის ნებისმიერ დანაშაულზე,  რაც შესაძლოა იკვეთებოდეს აღნიშნულ სისხლის სამართლებრივ საქმეზე. შეკითხვები შეეხებოდა შინაარსობრივ მხარესაც, თუმცა შეკითხვების უმეტესი ნაწილი შეეხებოდა უშუალოდ პირადი საუბრის უნებართვოდ მოპოვება-გავრცელების საკითხს. ამ ეტაპისთვის სისხლის სამართლებრივი დევნა არ მიმდინარეობს  აღნიშნულ საქმეში არცერთი პირის მიმართ, მომავალთან დაკავშირებით მიმდინარეობს გამოძიება, ყველაფერი  დამოკიდებულია  იმაზე რა მტკიცებულებების მოპოვება მოხდება და ვის მიმართ“,-აღნიშნა მარიამ გოგორელიანმა.

შეგახსენებთ,  საქალაქო სასამართლოში, მამუკა ახვლედიანის გამოკითხვა ცოტა ხნის წინ დასრულდა. საქმე ეხება შსს-ს ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარ სამმართველოში მიმდინარე გამოძიებას ტელეკომპანია „რუსთავი 2“-ის გენერალური დირექტორის, ნიკა გვარამიას კომპიუტერულ სისტემაში უნებართვო შეღწევის, მისი და მამუკა ახვლედიანის პირადი საუბრის ამსახველი ვიდეოჩანაწერის უკანონოდ მოპოვებისა და გავრცელების ფაქტზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს