„ხელისუფლებამ გადალახა  ყველანაირი წითელი ხაზი და მათ არაერთი უკანონო მოქმედება განახორციელეს, არ გამოვრიცხავ, რომ მათ შორის წავიდნენ გვარამიას დაჭერაზეც“, - ამის შესახებ ტელეკომპანია „რუსთავი 2“-ის გენერალური დირექტორის ადვოკატმა  დიტო საძაგლიშვილმა განაცხადა.

ადვოკატის თქმით,  გვარამია ყველა იმ კითხვას უპასუხებს, რაც მის მიმართ იქნება დასმული.

„ნიკა გვარამია უპასუხებს ყველა იმ კითხვას, რაც მის მიმართ იქნება დასმული, თუმცა ამ ეტაპზე მიჭირს წარმოვიდგინო ის კითხვები, რომელიც შეიძლება დამატებით გასჩენოდა შინაგან საქმეთა სამინისტროს. იმიტომ, რომ უკვე მივაწოდეთ მათ ამომწურავი ინფორმაცია, რაც ჩვენ გაგვაჩნდა ვიდეოჩანაწერის  უკანონოდ მოპოვებასთან, მათ შორის კომპიუტერულ სისტემაში უკანონო შეღწევასთან დაკავშირებით. გამომდინარე იქედან, რომ ხელისუფლებამ გადალახა უკვე ყველანაირი წითელი ხაზი და მათ არაერთი უკანონო მოქმედება განახორციელეს რუსთავი 2-ის ხელში ჩასაგდებად, არ გამოვრიცხავ, რომ მათ შორის წავიდნენ ნიკა გვარამიას დაჭერაზეც“, - განაცხადა დიტო საძაგლიშვილმა.

ცნობისთვის, საქალაქო სასამართლოში ნიკა გვარამიას გამოკითხვა მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა