2017-02-14 11:09:03, 1249 ნახვა
საზოგადოება
საქართველოს ტერიტორიაზე 17 თებერვლის ჩათვლით უმეტესად ნალექიანი და ცივი ამინდებია მოსალოდნელი
საქართველოს ტერიტორიაზე 17 თებერვლის ჩათვლით უმეტესად ნალექიანი და ცივი ამინდებია მოსალოდნელი. გარემოს ეროვნული სააგენტოს ინფორმაციით, დასავლეთ საქართველოში აღნიშნულ პერიოდში თოვლი და წვიმაა ნავარაუდევი. ჰაერი +4 გრადუსამდე გათბება.
რაც შეეხება აღმოსავლეთ საქართველოს, 14 თებერვალს ნალექიან ამინდებს პროგნოზირებენ, 15 თებერვალს გამოიდარებს, 16 თებერვალს თოვლს ელოდებიან, ხოლო 17 თებერვალს ისევ უმეტესად უნალექო ამინდია მოსალოდნელი.
აღმოსავლეთ საქართველოს ტერიტორიაზე შედარებით დაბალი ტემპერატურაა ნავარაუდევი.
დღეს დედაქალაქ თბილისში -2 გრადუსი და თოვლჭყაპი იქნება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
