საერთაშორისო სოციოლოგიური ცენტრის Ipsos-ისა და საინფორმაციო სააგენტო Reuters-ის მიერ ჩატარებული ერთობლივი გამოკითხვის თანახმად, ამერიკელების 49% პრეზიდენტ დონალდ ტრამპის განკარგულებას აშშ-ში საიმიგრაციო პოლიტიკის გამკაცრების თაობაზე მხარს უჭერს.

ამასთან, გამოკითხული მოსახლეობის 41% ამავე საკითხზე, პრეზიდენტის განკარგულებასთან დაკავშირებით საპირისპირო აზრი აქვს, ხოლო 10%-ს კითხვაზე პასუხის გაცემა გაუჭირდა. 

კვლევის თანახმად, დემოკრატების 53% დონალდ ტრამპის განკარგულებას საიმიგრაციო პოლიტიკის გამკაცრების თაობაზე, კატეგორიულად არ ეთანხმება, ხოლო რესპუბლიკელების 51%, პირიქით, მხარს უჭერს.

შეგახსენებთ, რომ დონალდ ტრამპის გადაწყვეტილებით, აშშ-ის ახალი ადმინისტრაცია შვიდ ქვეყანას, სადაც მუსლიმი მოსახლეობაა, ვიზის გაცემას მინიმუმ ერთი თვის განმავლობაში უწყვეტს.

საუბარია შემდეგ ქვეყნებზე: ირანი, ერაყი, ლიბია, სომალი, სუდანი, სირია და იემენი. დოკუმენტის თანახმად, ტრამპი აგრეთვე აპირებს გასცეს ბრძანებულება, რომელიც იმ ადამიანების შემოწმების პროცესის გადახედვას ითვალისწინებს, რომლებსაც აშშ-ში ჩასვლის სურვილი აქვთ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით

500 Global in Eurasia-ს მეათე ნაკადის დემო დღე 25 ივნისს გაიმართება

საქართველოს ბანკისა და Emolas Corporation - ის პარტნიორობის ფარგლებში, სამეფო უბნის თეატრი სპექტაკლ „მოახლეებს“ ნიუ იორკის სცენაზე წარადგენს

ალეკო ელისაშვილმა პაპუაშვილს სასამართლოში უჩივლა