კონსტიტუციონალისტ ვახუშტი მენაბდის  შეფასებით, მაჟორიტარული საარჩევნო სისტემის ნაცვლად მხოლოდ პროპორციული სიების შემოთავაზება,  საარჩევნო სისტემაში არსებულ პრობლემებს ვერ მოაგვარებს.

მენაბდემ ჟურნალისტებთან  საარჩევნო სისტემაში  არსებულ სამ ძირითად პრობლემაზე ისაუბრა:

" პირველი, არის ის, რომ ბევრი ადამიანი დარჩა პარლამენტში, ვისაც წარმომადგენელი არ ჰყავს პარლამენტში, მეორე მხოლოდ ძალიან ძლიერი პარტიები მოხვდნენ პარლამენტში. მესამე, საქართველოს პარლამენტში არ გვაქვს ფართო სპექტრის წარმომადგენლობა.

შემოთავაზებული ვერსიები, არსებითად ამ პრობლემას ვერ გადაჭრის. მესამე პრობლემა, რომელიც უკავშირდება თანაბარ განაწილებას, ეს გადაიჭრება, ოღონდ მხოლოდ და მხოლოდ, დიდ და ძლიერ პარტიებს შორის. ამომრჩევლის დიდი ნაწილი კვლავ წარმომადგენლის გარეშე დარჩება პარლამენტში, ხოლო მცირე პარტიები, რომლებსაც ამომრჩევლების მხრიდან ძალიან დიდი პროცენტი მიაქვთ, ისევ მანდატების გარეშე დარჩებიან“, - განმარტა  ვახუშტი მენაბდემ.

ის სიტუაციიდან გამოსავალს პროპორციული სიით ხედავს, სადაც იქნება დაბალი ბარიერი და რომელიც  მენაბდის თქმით, მოქალაქეთა მცირე ჯგუფებს შესაძლებლობებს მისცემთ, პარლამენტში საკუთარი წარმომადგენლები ჰყავდეთ.

მენაბდის შეფასებით, პარლამენტში მოსახვედრად ბარიერი შეიძლება 0.75%, 1% ან 2% იყოს, თუმცა ის 5%-ზე დაბლა უნდა ჩამოვიდეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნაძალადევის გამგეობა: სკვერში მოზარდებმა ატრაქციონი დააზიანეს, დაშავდა 1 მოზარდი

ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება მალე დაიწყება

CPJ: მოვუწოდებთ ოცნებას, შეწყვიტოს ფორმულას წინააღმდეგ სისხლის სამართლის საქმის გამოძიება

პროკურატურამ ფორმულას მიმართ აღძრულ საქმეზე გამოკითხვაზე დავით ქაშიაშვილი დაიბარა