ფინანსთა სამინისტროს საფინანსო-ანალიტიკურმა სამსახურმა გარემოსდაცვითი ინფორმაციის მართვის ელექტრონული სისტემისთვის ორი ახალი მოდული შეიმუშავა.

ამის შესახებ „ექსპრესნიუსს“ ფინანსთა სამინისტროდან აცნობეს.

მათივე ინფორმაციით, სისტემას, რომელსაც აქვს მრგვალი ხე-ტყის (მორი) გადამამუშავებელ საამქროებში მიღების, გადამუშავებისა და საჭიროების შემთხვევაში, მისი უკან გატანის ელექტრონული მართვის ფუნქციები, ორი ახალი - პროდუქტისა და ნარჩენის მოდული დაემატა.

აღნიშნული ცვლილების შედეგად, გაუმჯობესდება სახერხ საამქროში არსებული პირველადი გადამუშავების  პროდუქტის კონტროლი, სრულყოფილად განხორციელდება ანგარიშგება, აგრეთვე, პირველადი გადამუშავების პროდუქტის შემდგომი ტრანსპორტირებისა და განკარგვის მონიტორინგი, რითაც პროცესი უფრო გამჭირვალე  გახდება.

სისტემა ფინანსთა სამინისტროს საფინანსო-ანალიტიკურმა სამსახურმა გარემოსა და ბუნებრივი რესურსების დაცვის სამინისტროს ზედამხედველობის დეპარტამენტსა და ეროვნულ სატყეო სააგენტოსთან ერთად შექმნა და მისი მიზნია ბუნებრივ რესურსებთან დაკავშირებული სერვისების ელექტრონული მიწოდება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს