საქართველოს პარლამენტის ვიცე-სპიკერის გია ვოლსკის განცხადებით, სამწუხაროა ის ფაქტი, რომ საზოგადოებაში ვეტოს დადების თემა არა შინაარსობრივად და სიღრმისეულად, არამედ დაპირისპირების გამოვლინების ერთ-ერთ ხერხად განიხილება.

როგორც ვოლსკიმ "ექსპრესნიუსს" განუცხადა, ვეტოს დაძლევა შესაძლებელია, თუმცა ეს თვითმიზანი არ უნდა იყოს.

"თუკი ეს მოტივირებული შენიშვნები საინტერესოა, მოიცავს ისეთ საკითხებს, რომელიც ჩვენ გამოგვრჩა, მაშინ რა თქმა უნდა ეს გადაწყვეტილება პოზიტიურია და ქვეყნისთვისაც კარგი. ასეთი პოზიტიური თანამშრომლობის მაგალითი ჩვენ გვქონდა. ეს იყო, როდესაც განვიხილეთ და დავეთანხმეთ მოტივირებულ შენიშვნებზე საკონსტიტუციო სასამართლოსთან დაკავშირებით. ეს ჩვენი შეთანხმება დადებითად მიიღო არამარტო საზოგადოებამ, არამედ ვენეციის კომისიამაც. სამწუხაროდ ეს რეალობაა, რომელიც არსებობს. მე არამგონია, რომ ეს პარლამენტის დამსახურება იყოს. ჩვენ ვეტოს დაძლევა მოგვიხდა მე-8 მოწვევის პარლამენტის შემთხვევაშიც. ვნახოთ როგორ იქნება, რა შინაარსის არის ეს მოტივირებული შენიშვნები და რაში მდგომარეობს ვეტოს არსი. ვეტო კი ქვია, მაგრამ დავახასიათოდ როგორც მოტივირებული შენიშვნები. ვეტო  არ არის თვითმიზან და იმედია, რომ ეს თვითმიზანი არც პრეზიდენტის მხრიდან არის", - აღნიშნა ვიცე-სპიკერმა.

შეგახსენებთ, რომ  საქართველოს პრეზიდენტმა გიორგი მარგველაშვილმა სასამართლო სისტემის რეფორმის ე.წ. მესამე ტალღასთან დაკავშირებულ პაკეტს ვეტო დაადო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი