მთავრობის ადმინისტრაციაში, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა ვიქტორ დოლიძემ საქართველოში ნატოს სამეკავშირეო ოფისის ხელმძღვანელთან უილიამ ლაჰიუსთან შეხვედრა გამართა. 

როგორც "ექსპრესნიუსს" ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატიდან აცნობეს, შეხვედრაზე მხარეებმა საქართველოს ნატოში ინტეგრაციის პროცესის მიმდინარეობა და ალიანსთან თანამშრომლობის სამომავლო გეგმები განიხილეს. 

უწყების ცნობით, თავის მხრივ, სახელმწიფო მინისტრმა  მიმდინარე  17 იანვარს, ბრიუსელში, ნატოს შტაბ-ბინაში  გამართული ვიზიტის შესახებ ისაუბრა. 

 კერძოდ, მან მიმოიხილა ნატოს გენერალურ მდივანთან ორმხრივი შეხვედრისა და ნატო-საქართველოს კომისიის (NGC) სხდომის შედეგები, რომლის ფარგლებშიც 2016 წლის, რიგით მერვე წლიური ეროვნული პროგრამის (ANP) შესრულებასა და საქართველოს  შავი ზღვის უსაფრთხოების საკითხებზე ალიანსთან მიმდინარე სტრატეგიულ დისკუსიაში მონაწილეობაზე იმსჯელეს.

მხარეებმა ხაზი გაუსვეს შავი ზღვის უსაფრთხოების საკითხებზე ალიანსთან საქართველოს სტრატეგიული განხილვების მნიშვნელობას და აღნიშნეს, რომ შავ ზღვაზე ნატოს უფრო აქტიური ჩართულობა ხელს შეუწყობს მთლიანად რეგიონის უსაფრთხოების განმტკიცებას.

საუბარი, ასევე შეეხო, როგორც სტრატეგიული კომუნიკაციის გაძლიერების, ასევე ევროკავშირთან სავიზო რეჟიმის ლიბერალიზაციის პროცესის წარმატებით დასრულების მნიშვნელობას. 

ნატოს სამეკავშირეო ოფისის ხელმძღვანელმა კიდევ ერთხელ გაუსვა ხაზი ალიანსის მხარდაჭერას საქართველოს სუვერენიტეტისა და ტერიტორიული მთლიანობის და საქართველოს ევროატლანტიკური მისწრაფებების მიმართ.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი