28-29 იანვარს კავკასიის უნივერსიტეტში იმართება ჰაკათონი Smart City, რომლის ფარგლებშიც მონაწილე სტუდენტური გუნდები ერთმანეთს შეეჯიბრებიან ინოვაციური გზებით ჩვენი დედაქალაქის პრობლემის გადაჭრაში - იქნება ეს პარკირების, ეკოლოგიის, რიგების თუ სხვა საკითხები.

გუნდების შეფასება ორი ძირითადი კრიტერიუმით მოხდება: რამდენად შეიძლება აღნიშნული ინოვაციის გამოყენება რეალობაში და რამდენად ორიგინალურია გადაწყვეტილება.

მწვანე პროექტის შეჯიბრში გამარჯვებულ გუნდს პაშა ბანკი გადასცემს ფულად პრიზს. 2016 წლის ბოლოს, ბანკმა განაცხადა, რომ წელს კორპორატიული სოციალური პასუხისმგებლობის ფარგლებში  მწვანე პროექტებში აქტიურად ჩაერთვება. აღნიშნული აქტივობების საწყისი იყო პარტნიორების სახელზე 2017 ძირი ქართული ფიჭვის ნერგის დარგვა ბორჯომის მახლობლად დაზიანებული ტყის სარეაბილიტაციოდ.

„ვთვლით, რომ მნიშვნელოვანია ახალგაზრდები დავაფიქროთ ეკოლოგიურ საკითხებზე და სწორედ მათგან მოვისმინოთ ინიციატივები, თუ როგორ წარმოუდგენიათ გარემოს უკეთ და უფრო ეფექტიანად მოვლა. აღნიშნული ჰაკათონი რეალურად თავს მოუყრის იმ ინოვაციურ იდეებს, რომლებიც ასე ძალიან გვჭირდება. წელს ჩვენ არაერთ მწვანე პროექტში ვაპირებთ ჩართვას და აღნიშნული შეჯიბრის სპონსორობაც ერთ-ერთი მნიშვნელოვანი ნაბიჯია. არ გამოვრიცხავთ, რომ გარკვეული ფორმით ხელი შევუწყოთ რომელიმე იდეის განხორციელებასაც“, - განაცხადა პაშა ბანკის საზოგადოებასთან ურთიერთობის და მარკეტინგის დეპარტამენტის უფროსმა, ანანო ქორქიამ.

ჰაკათონი ტარდება “საქართველოს ინოვაციებისა და ტექნოლოგიების სააგენტოს” გრანტის ფარგლებში. ღონისძიების ორგანიზატორია “კავკასიის უნივერსიტეტში” არსებული სტარტაპ აქსელერატორი “C10”. ღონისძიების თანაორგანიზატორია სტარტაპ აქსელერატორების მენეჯმენტ კომპანია “ბლენდერი”. ჰაკათონის სპონსორი და მწვანე პროექტის მხარდამჭერია პაშა ბანი.

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს