2017-01-16 14:40:46, 1114 ნახვა
საზოგადოება
სიღნაღში ავტოსაგზაო შემთხვევა მოხდა - გარდაცვლილია 1, დაშავებულია 5 ადამიანი
სიღნაღში ავტოსაგზაო შემთხვევა მოხდა, რის შედეგადაც ერთი ადამიანი გარდაიცვალა.
არსებული ინფორმაციით, დედოფლისწყაროდან სიღნაღისკენ მიმავალი სატვირთო მანქანა სამგზავრო მიკროავტობუსს შეეჯახა.
ავტოავარიის შედეგად, 5 ადამიანი დაშავდა, მათ შორის ერთი ბავშვი.
როგორც "ექსპრესნიუსს" შინაგან საქმეთა სამინისტროში განუცხადეს, მომხდართან დაკავშირებით გამოძიება სსსკ-ის 276 მუხლის მე-5 ნაწილით მიმდინარეობს, რაც ავტოსატრანსპორტო საშუალების ექსპლუატაციისა და უსაფრთხოების წესების დარღვევას ითვალისწინებს, რამაც ერთი ან მეტი ადამიანის სიცოცხლის მოსპობა გამოიწვია.
მათივე ინფორმაციით, ადგილზე საგამოძიებო მოქმედებები მიმდინარეობს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
