სევდია უგრეხელიძე თბილისის საკრებულოში საქმიანობას,  დამოუკიდებელი დეპუტატის სტატუსით გააგრძელებს.

როგორც უგრეხელიძემ საკრებულოში გამართულ ბრიფინგზე განაცხადა, მისთვის ოპოზიციური პოლიტიკური ძალების დანაწევრება სრულიად გაუგებარია .

„ნაციონალურ მოძრაობაში“ მიმდინარე პროცესებთან დაკავშირებით, ძალიან გამიძნელდა საკუთარი პოზიციის ჩამოყალიბება. ჩემთვის გულსატკენია, რომ საერთო იდეოლოგიის, მიზნებისა და ამოცანების მიუხედავად, მაინც დადგა განცალკევების საკითხი. ვინაიდან ერთი რომელიმე მხარის არჩევა ამ პირობებში ნიშნავს მეორისადმი დაპირისპირებას, რისთვისაც მე პირადად არანაირი საფუძველი არ გამაჩნია, არ ვერთიანდები არცერთ ფრაქციაში და ვრჩები თბილისის საკრებულოს დამოუკიდებელ წევრად“, - განაცხადა სევდია უგრეხელიძემ.

ცნობისთვის, ნაციონალური მოძრაობის წევრები და ყოფილი თანაგუნდელები ცალ-ცალკე ფრაქციების შექმნის განცხადებით საკრებულოს თავმჯდომარეს დღეს მიმართავენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს