მთავრობა საწარმოების შექმნაზე სამ ახალ გადაწყვეტილებას იღებს.

პრემიერ-მინისტრ გიორგი კვირიკაშვილის განმარტებით, პროგრამის „აწარმოე საქართველოში“ ფარგლებში, მცხეთის მუნიციპალიტეტის სოფელ არდგომლიათკარში სამშენებლო მასალების მწარმოებელი საწარმო შეიქმნება და მილიონ 300 ათას ლარამდე ინვესტიცია განხორციელდება.

ასევე, კვირიკაშვილის თქმით, ჩხოროწყუს მუნიციპალიტეტში, ქვედა ჩხოროწყუში,  თხილისა და დაფნის გადამამუშავებელი საწარმო შეიქმნება.ინვესტიცია ამ შემთხვევაში  130 ათასი ლარია. ჩაის ხელშემწყობი პროგრამის ფარგლებში კი, კვირიკაშვილის ინფორმაციით, ოზურგეთის მუნიციპალიტეტის სოფელ ნაგომარში  ჩაის გადამამუშავებელი საწარმო შეიქმნება:

„ კომპანიას იჯარის უფლებით გადაეცემა 25 ჰექტარი მიწის ფართობი“,- განმარტა პრემიერმა.

მან ყურადღება გაამახვილა ადგილობრივი წარმოების განვითარებისა და ოჯახებში შესული სარგებლის კავშირზე.

„თითოეული ახალი საწარმოს შექმნა განსაკუთრებით მნიშვნელოვანია ჩვენთვის, რადგან სახელმწიფოს მიერაა ეს პროექტები დაწყებული. ისინი უპირველეს ყოვლისა, აძლევს ადამიამნებს საშუალებას, რომ წამოიწყონ საკუთარი საქმე და დაასაქმონ ათობით ადგილობრივი მაცხოვრებელი. ეს არის უმნიშვნელოვანესი პროექტები ადგილობირივი წარმოების პოტენციალის შექმნის თვალსაზრისით ყოველთვის უნდა გვახსოვდეს, რომ ეს ადგილობრივი პოტენციალი ვერ იფუნქციონირებს, თუ არ იქნება მყარი შეგნება, რომ ადგილობრივი პროდუქციის შეძენა არის დამატებითი შემოსავალი ქართული ოჯახის ბიუჯეტში, არის ადგილობრივი დასაქმებულის ოჯახში ცხელი სადილი იმ საღამოს, ეს არის სახლში მისული ხელდამშვენებული მშობელ. ეს კავშირი მუდმივად უნდა გვახსოვდეს, როდესაც ვყიდლობთ ადგილობრივ პროდუქციას“,- აღნიშნა პრემიერმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს