WhatsApp-ის აპლიკაცია iPhone 3GS-ზე, Windows Phone 7-სა და სხვა სმარტფონებზე, რომლებიც Android-ის ძველ (2.1 და 2.2) ვერსიებზე მუშაობენ, აღარ იმუშავებს, - ამის შესახებ Daily Express იუწყება.

როგორც კომპანიაში აცხადებენ, WhatsApp-ის აპლიკაცია სიახლეებს განიცდის, რომლებიც მხოლოდ ახალ სისტემაზე იმუშავებს.

"თავის დროზე, სანამ ჩვენი აპლიკაცია სიახლეებით დაიტვირთებოდა, ძველი სისტემის მქონე სმარტფონები ითვისებდნენ ყველა ცვლილებას. თუმცა მას შემდეგ, რაც აპლიკაცია პროგრამულად და ფუნქციურად დაიტვირთა, ძველი პროგრამული უზრუნველყოფის მქონე ტელეფონები მას ვეღარ გაუმკლავდებიან და შესაბამისად WhatsApp-ი ვეღარ იმუშავებს", - აცხადებენ კომპანიაში.

2017 წლის 30 ივნისამდე WhatsApp-ი შემდეგ ტელეფონებზე: Blackberry OS, Blackberry 10, Nokia S40 და Nokia Symbian S60 იმუშავებს.

ცნობისთვის, WhatsApp-ი უფასო აპლიკაციაა, რომლის მეშვეობითაც მომხმარებელი მოკლე ტექსტურ შეტყობინებებს აგზავნის და ვიდეო/აუდიო კომუნიკაციას ახორციელებს. აპლიკაციის მილიარდზე მეტი ადამიანი სარგებლობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სააკაშვილი - თემაში ჩვენი არა კეთილისმოსურნეებიც შემოვარდნენ და დაწერეს მიშა და ბიძინა ერთია, რასაც იტყვიან პარტია ემორჩილებაო

ტრამპი ჰორმუზის სრუტეში არსებული სიტუაციით კმაყოფილია

ალბანეთში კუშნერი-ტრამპის კურორტის წინააღმდეგ საპროტესტო აქციები ანტიკორუფციულ მოძრაობაში გადაიზრდა

საქართველოში 4.4 მაგნიტუდის სიმძლავრის მიწისძვრა მოხდა