ელექტროენერგიის სამომხმარებლო ტარიფები მოსახლეობისთვის უცვლელი დარჩა

2016-12-26 15:50:40, 1290 ნახვა

საზოგადოება

საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) 26 დეკემბრის საჯარო სხდომაზე სს „თელასისა“ და სს „ენერგო-პრო ჯორჯიასათვის“ ელექტროენერგიის განაწილების, გატარების და მოხმარების 2017 წლის ტარიფების დამტკიცების შესახებ ტარიფებისა და ეკონომიკური ანალიზის დეპარტამენტის მიერ წარმოდგენილ პროექტებზე იმსჯელა.

კომისიის გადაწყვეტილებების შესაბამისად, სს „თელასისა“ და სს „ენერგო პრო ჯორჯიას“ საყოფაცხოვრებო და 0.4 კვ ძაბვის კომერციული მომხმარებლებისათვის ტარიფები უცვლელი დარჩა.

სს „თელასის“ საყოფაცხოვრებო ტარიფები 2017 წლისათვის (ტარიფები მოცემულია დღგ-ს გარეშე):

0 - 101 კვტსთ და საერთო მრიცხველების მქონე მომხმარებლებისათვის- 11 თეთრი/კვტსთ;

101-301 კვტსთ-ის მომხმარებლებისათვის - 14.40 თეთრი/კვტსთ.

301 კვტსთ-ზე მეტი - 18.20 თეთრი/კვტსთ.

სს „ენერგო პრო ჯორჯიას“ საყოფაცხოვრებო ტარიფები 2017 წლისათვის (ტარიფები მოცემულია დღგ-ს გარეშე):

0 - 101 კვტსთ და საერთო მოხმარების მრიცხველების მქონე მომხმარებლებისათვის - 10.978 თეთრი/კვტსთ;

101-301 კვტსთ-ის მომხმარებლებისათვის - 14.348 თეთრი/კვტსთ;

301 კვტსთ-ზე მეტი - 18.178 თეთრი/კვტსთ.

გარდა ამისა, 26 დეკემბრის საჯარო სხდომაზე კომისიამ დაადგინა სს „თელასისა“ და სს „ენერგო პრო ჯორჯიასათვის“ სამომხმარებლო ტარიფები110-35;10-6-3.3. კვ-ზე და განაწილებისა და გატარების ტარიფები:

სს „თელასის“ სამომხმარებლო ტარიფი მაღალ ძაბვაზე 2017 წლისათვის (ტარიფები მოცემულია დღგ-ს გარეშე):

110-35 კვ - 12.324 თეთრი/კვტსთ;

10-6-3.3 კვ - 12.981 თეთრი/კვტსთ;

0.4 კვ - 16.740 თეთრი/კვტსთ.

სს „თელასის“ ელეტროენერგიის განაწილებისა და გატარების ტარიფები 2017 წლისათვის (ტარიფები მოცემულია დღგ-ს გარეშე):

110-35 კვ - 1.270 თეთრი/კვტსთ;

10-6-3.3 კვ - 1.927 თეთრი/კვტსთ;

0.4. კვ - 5.686 თეთრი/კვტსთ.

სს „ენერგო პრო ჯორჯიას“ სამომხმარებლო ტარიფები მაღალ ძაბვაზე 2017 წლისათვის (ტარიფები მოცემულია დღგ-ს გარეშე):

110-35 კვ - 11.502 თეთრი/კვტსთ;

10-6-3.3 კვ - 12.681 თეთრი/კვტსთ;

0.4 კვ - 16.776 თეთრი/კვტსთ.