მექსიკაში შობას 13 ადამიანი მოკლეს - ნარკოკარტელებს შორის შეტაკებები მიმდინარეობს

2016-12-26 13:02:54, 2834 ნახვა

მსოფლიო

მექსიკის დასავლეთ ნაწილში შობას 13 ადამიანი მოკლეს, - ამის შესახებ BBC იუწყება.

როგორც მედია საშუალება წერს, მიჩოაკინის შტატის ქალაქ ხიკილპან-დე-ხუარესში პოლიციამ 6 მოჭრილი თავი იპოვა. ბოლო პერიოდში ამ შტატში დაპირისპირებულ ნარკოკარტელებს შორის შეტაკებები მიმდინარეობს.

არსებული ინფორმაციით, პოლიციამ მოკლულების იდენტიფიცირება და სხეულების პოვნა ჯერ ვერ შეძლო.

გარდა ამისა, მეზობელ შტატ გერეროში უცნობმა პირებმა ორი ოჯახის წევრები მოკლეს. სამარტალდამცველების ინფორმაციით, ბოროტმოქმედები სახლში შეიჭრნენ და ცოლ-ქმარი, ასევე ხუთსულიანი ოჯახი მოკლეს. აღსანიშნავია, რომ 7 მოკლულიდან 3 სამართალდამცველი აღმოჩნდა.

ცნობისთვის, გერერო მექსიკის ყველაზე კრიმინოგენულ შტატად ითვლება, სადაც ერთდროულად რამდენიმე მსხვილი ნარკოკარტელი მოქმედებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან