400 დევნილი ოჯახი  თბილისში, ახალაშენებულ კორპუსებში საცხოვრებელ ბინას მიიღებს.

ლტოლვილთა და განსახლების სამინისტროს ინფორმაციით, დღეს  დადიანის ქუჩაზე 200 დევნილ ოჯახს ახალი ბინების გასაღებებს საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი, თბილისის მერი დავით ნარმანია და პარლამენტის თავმჯდომარის მოადგილე, ჩუღურეთის მაჟორიტარი დეპუტატი გია ვოლსკი გადასცემენ.

მათივე ინფორმაციით, თბილისის ზღვაზე, ეგრეთ წოდებულ „ოლიმპიურ სოფელში“  არსებული 200 ბინის გასაღებებს კი დევნილი ოჯახები 2017 წლის იანვარში მიიღებენ.

დადიანის ქუჩაზე, ახალაშენებულ კორპუსებში არსებული 200 ბინიდან,  148- ერთოთახიანი, 27- ოროთახიანი და 25- სამოთახიანი.

დევნილთა საკითხების შემსწავლელი კომისიის გადაწყვეტილებით, ამ ეტაპზე, თბილისში 12 ნგრევადი შენობა დაიხურა და იქ მცხოვრებ ოჯახებს ბინები ახალაშენებულ კორპუსებში გადაეცათ.

სულ ჯამში თბილისში, უკვე 29  ნგრევადი ობიექტია დახურული.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჟორჟოლიანი: რეფორმატორთა საბჭო „ნაციონალური მოძრაობისგან“ დამოუკიდებლად იმუშავებს

ანკარის სამიტის შემდეგ NATO-ს წევრმა სახელმწიფოებმა დეკლარაცია მიიღეს

აშშ-ის პრეზიდენტმა ანკარაში ზელენსკისთან შეხვედრაზე განაცხადა, რომ პუტინთან საუბარს აპირებს

ქეთევან თოიძემ Tashkent International Investment Forum-ზე გალტ & თაგარტის გამოცდილება გააზიარა