2016-12-25 11:21:17, 2982 ნახვა
მსოფლიო
რუსეთის თავდაცვის სამინისტროს თვითმფრინავმა კატასტროფა განიცადა
რუსეთის თავდაცვის სამინისტროს თვითმფრინავმა „ Tu-154“ კატასტროფა განიცადა. უცხოური მედიის ინფორმაციით, თვითმფრინავზე, 83 მგზავრი და რვა ეკიპაჟის წევრი იმყოფებოდა. თვითმფრინავი სოჭიდან სირიის ქალაქ ლატაკიაში მიემგზავრებოდა, სადაც წინასაახალწლო კონცერტი იყო დაგეგმილი. სწორედ ამიტომ, ბორდზე სამხედროების გარდა, ცეკვისა და სიმღერის ანსამბლის წევრები და ჟურნალისტებიც იმყოფებოდნენ. მათ სირიაში დისლოცირებული რუსული ბაზისთვის ახალი წელი უნდა მიელოცათ. თვითმფრინავის ნამსხვრევები სოჭში, შავი ზღვის სანაპიროზე აღმოაჩინეს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
