2016-12-24 10:50:02, 1253 ნახვა
საზოგადოება
ურეკში ავტოავარიის შედეგად 4 ადამიანი დაიღუპა, ერთი კი, მძიმედ დაშავდა
ურეკში გვიან ღამით ავტოსაგზაო შემთხვევა მოხდა.
თვითმხილველების ინფორმაციით, „ოპელის“ მარკის ავტომობილი, გზის სავალი ნაწილიდან გადავიდა და ტრაილერს შეეჯახა.
ავარიის შედეგად 4 ადამიანი დაიღუპა, ერთი კი, დაშავდა. ცხედრები ექსპერტიზაზე გადაასვენეს. რაც შეეხება დაშავებულს, იგი საავადმყოფოშია გადაყვანილი, მისი მდგომარეობა მძიმეა.
ავტოსაგზაო შემთხვევის გამო შეფერხებული იყო საავტომობილო მოძრაობაც.
მომხდარზე გამოძიება სსკ-ის 276 მუხლის მე-7 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც 2 ან მეტი ადამიანის სიცოცხლის მოსპობა გამოიწვია.
ინფორმაციას ტელეკომპანია „იმედი“ ავრცელებს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
