2016-12-20 15:03:22, 2531 ნახვა
მსოფლიო
ანგელა მერკელმა ბერლინის საშობაო ბაზრობაზე მომხდარ ტრაგედიას ტერაქტი უწოდა
გერმანიის კანცლერ ანგელა მერკელის განცხადებით, ბერლინში საშობაო ბაზრობაზე მომხდარი ინციდენტი ტერაქტი იყო, - ამის შესახებ ადგილობრივი მედია იუწყება.
როგორც მერკელმა აღნიშნა, გერმანიას შიშში ცხოვრება არ სურს.
“ჩვენ ვიპოვით ჩვენს თავში ძალას გავაგრძელოთ ცხოვრება გერმანიაში როგორც ჩვენ გვინდა - ერთად თავისუფლებაში. ჩვენ არ გვსურს შიშით ცხოვრება”, -აღნიშნა კანცლერმა.
მისი თქმით, მომხდარი თავდასხმა განსაკუთრებით ამაზრზენი იქნება, თუ აღმოჩნდება, რომ მისი ჩამდენები გერმანიაში ლტოლვილებად ჩამოვიდნენ.
მერკელის ინფორმაციით, ის ტრაგედიის ადგილს დღეს მოგვიანებით მოინახულებს.
ამასთან, გერმანიის პოლიციამ საშობაო ბაზრობაზე მომხდარ შემთხვევას ტერორისტული აქტის კვალიფიკაცია მისცა.
შეგახსენებთ, რომ გერმანიის დედაქალ ბერლინში საშობაო ბაზრობის ტერიტორიაზე სატვირთო ავტომანქანის შევარდნის შედეგად 12 ადამიანი დაიღუპა, 48 კი მძიმედ დაშავდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
