სოფლის მეურნეობის სამინისტროს, ღვინის ეროვნული სააგენტოს, გაეროს სურსათისა და სოფლის მეურნეობის ორგანიზაციისა (FAO) დაღვინის მწარმოებელი კომპანიების წარმომადგენლებმა სასტუმროში „მუზეუმი“ გამართულ შეხვედრაზე ღვინის სექტორის მართვის რესტრუქტურიზაციის საკითხები განიხილეს.

როგორც „ექსპრესნიუსს“ სოფლის მეურნეობის სამინისტროდან აცნობეს, სამუშაო შეხვედრა ევროკავშირის სოფლისა და სოფლის მეურნეობის განვითარების ევროპის სამეზობლო პროგრამის (ENPARD) ფარგლებში ჩატარდა.

უწყების ინფორმაციით, ღვინის ინდუსტრიისა და ღვინის საერთაშორისო სამართლის გაეროს სურსათისა და სოფლის მეურნეობის ორგანიზაციის (FAO) ექსპერტმა, ჯონ ბარკერმა ღონისძიების მონაწილეებს ღვინის სექტორის მართვის მოდელი გააცნო, რომელიც საერთაშორისო გამოცდილების საფუძველზე საქართველოში ღვინის სექტორში არსებული რეალობის და გამოწვევბის გათვალისწინებითშეიქმნა.

„მიუხედავად იმისა, რომ სახელმწიფოსა და ღვინის სექტორს შორის არსებობს ჯანსაღი კომუნიკაცია და თანმშრომლობა, გრძელვადიან პერსპექტივაში უმნიშვნელოვანესია ეს ურთიერთობა ინსტიტუციონალურად დაბალანსებული გახდეს. მადლობა მინდა გადავუხადო ყველა მონაწილეს ღვინის სექტორის მართვის მოდელზე მუშაობაში აქტიური ჩართულობისთვის, ასევე მადლობას ვუხდი გაეროს სურსათისა და სოფლის მეურნეობის ორგანიზაციას დახმარებისთვის. ჩვენი მიზანია, კერძო სექტორთან შეთანხმებით მივიღოთ მართვის ისეთი მოდელი, სადაც სახელმწიფოსა და კერძო სექტორის ინტერესები თანაბრად იქნება წარმოდგენილი და სადაც კერძო სექტორის ჩართულობა იქნება გაცილებით მეტი და აქტიური ყველა მიმართულებით“, - აღნიშნა სოფლის მეურნეობის მინისტრმა ლევან დავითაშვილმა.

ღვინის ეროვნული სააგენტოს ხელმძღვანელის, გიორგი სამანიშვილის განცხადებით, მნიშვნელოვანია საჯარო და კერძო სექტორის შეჯერდეს და მიღებულ იქნას მართვის საუკეთესო მოდელი, რადგან ამ ინსტიტუტის სტაბილურობა ღვინის ინდუსტრიის განვითარებისა და ადგილობრივ და საერთაშორისო ბაზრებზე პოპულარიზაციის გარანტი უნდა იყოს.

შეხვედრის ფარგლებში, მონაწილეებმა წარმოდგენილი დოკუმენტი განიხილეს. გამოითქვა შენიშვნები და მოსაზრებები, რომლებიც საბოლოო დოკუმენტის მომზადების დროს იქნება გათვალისწინებული.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”