პუტინი, ტრამპი, ანგელა მერკელი - „ფორბსმა“ მსოფლიოს გავლენიანი ადამიანების რეიტინგი გამოაქვეყნა

2016-12-14 22:12:39, 2766 ნახვა

მსოფლიო

ჟურნალმა „ფორბსმა“ მსოფლიოს გავლენიანი ადამიანების რეიტინგი გამოაქვეყნა, რომლის სათავეში უკვე მეოთხედ, რუსეთის პრეზიდენტი ვლადიმერ პუტინია.

მეორე ადგილს ამერიკის შეერთებული შტატების ახალარჩეული პრეზიდენტი დონალდ ტრამპი იკავებს. მას მოსდევს გერმანიის კანცლერი ანგელა მერკელი, რომელიც წინა წლის რეიტინგში მეორე ადგილს იკავებდა.

სიის ათეულში ასევე მოხვდნენ ჩინეთის ლიდერი სი ძინპინი, რომის პაპი ფრანცისკე, აშშ-ის ფედერალური სარეზერვო სისტემის მეთაური ჯანეთ იელენი, ბიზნესმენები ბილ გეითსი, ლარი ფეიჯი და მარკ ცუკერბერგი.

აღსანიშნავია, რომ ბარაქ ობამა, რომელიც გასულ წელს მესამე ადგილს იკავებდა, წელს 48-ე ადგილი ხვდა წილად.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან