სასჯელაღსრულებისა და პრობაციის მინისტრის მოადგილე ზვიად მიხანაშვილი საქართველოში ადამიანის უფლებათა და თავისუფლებათა დაცვის მდგომარეობის შესახებ სახალხო დამცველის 2016 წლის ანგარიშის პრეზენტაციას დაესწრო.

სახალხო დამცველი ანგარიშში 2016 წლის განმავლობაში ადამიანის უფლებათა სფეროში არსებულ მნიშვნელოვან მიღწევებსა და გამოწვევებზე საუბრობს.

2016 წლის ანგარიშში ხაზგასმულია საქართველოს პენიტენციურ სისტემაში განხორციელებული პოზიტიური ცვლილებები. მათ შორის, სახალხო დამცველის რეკომენდაცია, რომელიც  “C” ჰეპატიტის სოფოსბუვირით მკურნალობას გულისხმობს.  პენიტენციურ სისტემაში საქართველოს მოქალაქეობის მქონე პირების მსგავსად,  “C” ჰეპატიტის მკურნალობა უცხო ქვეყნის მოქალაქეებისა და მოქალქეობის არმქონე პირებისთვისაც გახდა  ხელმისაწვდომი. 

სახალხო დამცველის ანგარიშში ასევე ასახულია პენიტენციური დაწესებულებების დებულებებში შეტანილი ცვლილებები, რაც გულისხმობს  პატიმართა დეესკალაციის ოთახში ერთჯერადად განთავსების ვადას, რომელიც 72 საათამდე შემცირდა.  ასევე, დიდ მიღწევად არის შეფასებული საქართველოს სახალხო დამცველისა და სპეციალური პრევენციული ჯგუფის წევრის მიერ პენიტენციურ დაწესებულებებში ფოტოგადაღების უფლების განხორციელების წესის დამტკიცება.

სახალხო დამცველი უჩა ნანუაშვილი 2016 წელს საქართველოს პენიტენციურ სისტემაში განხორციელებულ პოზიტიურ ცვლილებეზე საუბრობს.

„სასჯელაღსრულებისა და პრობაციის  სამინისტროს მიმართულებით   საკმაოდ ბევრი დადებითი ტენდენცია იყო. მათ შორის, შემცირებულია არასათანადო მოპყრობის ფაქტები. ჩვენ მხოლოდ ორი, არასათანადო მოპყრობის შესახებ  მივაწოდეთ ინფორმაცია პროკურატურას“- განაცხადა უჩა ნანაუშვილმა.

სასჯელაღსრულებისა და პრობაციის მინისტრის მოადგილის ზვიად მიხანაშვილის თქმით, სახალხო დამცველის 2016 წლის ანგარიში ასახავს პენიტენციურ სისტემაში განხორციელებულ ძირეულ გარდატეხას.

„დადებითად იქნა შეფასებული სისტემაში გატარებული რეფორმები. წელს სახალხო დამცველის წარმომადგენლებს პენიტენციურ დაწესებულებაში ფოტოგადაღების უფლება მიეცათ, რაც წინგადადგმული ნაბიჯია. ჩვენ ვაგრძელებთ თანამშრომლობას, როგორც არასამთავრობო ორგანიზაციებთან, ასევე სხვა უწყებებთან. მინდა აღვნიშნო, რომ მომავალ წელს  ფართომაშტაბიანი პროექტები იგეგმება“, - განაცახადა ზვიად მიხანაშვილმა.

საქართველოში ევროკავშირის ელჩის იანოშ ჰერმანის განცხადებით, ევროკავშირი გააგრძელებს თანამშრომლობას სასჯელაღსრულების სამინისტროსთან პენიტენციური სისტემში პროგრესული რეფორმების განხორციელების მიზნით.

სახალხო დამცველი დადებითად აფასებს „პატიმრობის კოდექსში“ შეტანილ ცვლილებას, რომლის თანახმადაც, მსჯავრდებულს, რომელიც პენიტენციური დაწესებულების  დირექტორის ნებართვითა და კონტროლით ეწევა ინდივიდუალურ საქმიანობას, უფლება ეძლევა პენიტენციური დაწესებულების ხელშეწყობით, გაყიდოს ინდივიდუალური საქმიანობის შედეგად დამზადებული ნივთი.

შეხვედრას დიპლომატიური კორპუსის, საერთაშორისო ორგანიზაციებისა და სამოქალაქო სექტორის წარმომადგენლები ესწრებოდნენ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.