2016-12-08 12:33:14, 2305 ნახვა
პოლიტიკა კომენტარი
კალაძე სამთავრობო გუნდში შესაძლო დაპირისპირებაზე ინფორმაციას „სისულელეს" უწოდებს
ენერგეტიკის მინისტრი კახა კალაძე სამთავრობო გუნდში შესაძლო დაპირისპირების შესახებ გავრცელებულ ინფორმაციას სისულელეს უწოდებს.
„ეს არასწორი ინფორმაციაა, სისულელეა“, - აღნიშნა კალაძემ.
კალაძეს ასევე უწყებაში ხარჯების შემცირებასთან დაკავშირებით ჰკითხეს. როგორც მინისტრმა აღნიშნა, ხარჯები შემცირდება, თუმცა რა მიმართულებით ამას არ აკონკრეტებს.
„ჩვენ დავაანონსეთ ხარჯების შემცირება. კონკრეტულად ყველა უწყება და მისი ხელმძღვანელი თვითონ გადაწყვეტს რა მიმართულებით დაიზოგება ხარჯები. ვფიქრობ ადამიანების გაშვება ყველაზე ბოლო მიმართულებაა, სხვა მიმართულებებით შესაძლებელია ხარჯების შემცირება, დარწმუნებული ვარ ეს ასეც მოხდება“, - განაცხადა კალაძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
