საქართველოს საგარეო საქმეთა მინისტრობის კანდიდატის მიხეილ ჯანელიძის განცხადებით, საქართველოს საგარეო საქმეთა სამინისტრო გაატარებს იმ საგარეო პოლიტიკას, რომელიც უზრუნველყოფს ქვეყანაში სტაბილურობას, ორიენტირებული იქნება სუვერენიტეტის განმტკიცებაზე და გადადმული იქნება ნაბიჯები დეოკუპაციის მიმართულებით.

ქვეყნის საგარეო პოლიტუკურ ამოცანებზე მინისტრობის კანდიდატმა პარლამენტის ქუთაისის სასახლეში მინისტრთა კაბინეტის წევრების მოსმენის ფარგლებში ჟურნალისტებთან შეხვედრისას განაცხადა.

როგორც მიხეილ ჯანელიძემ აღნიშნა უწყების ძირითად პრიორიტეტად ევროპული და ევროატლანტიკური ინტეგრაცია რჩება.

„ჩვენი ძირითადი პრიორიტეტი რჩება ევროპული და ევროატლანტიკური ინტეგრაცია და ეს არის გზა ჩვენი ქვეყნის განვითარებისთვის, სტაბილურობისთვის, მშვიდობისთვის" - განაცხადა მიხეილ ჯანელიძემ.

ჟურნალისტებთან საუბრისას მინისტრობის კანდიდატმა ასევე ხაზი გაუსვა საგარეო უწყების იმ პრიორიტეტულ მიმართულებას, რასაც საქართველოს საზღვარგარეთ მყოფი საქართველოს მოქალაქეების დაცვა წარმოადგენს. მიხეილ ჯანელიძის განცხადებით უწყებისთვის მნიშვნელოვანია დიასპორასთან მჭიდრო კონტაქტების განვითარება და მათ საჭიროებებზე შესაბამისი რეაგირების მოხდენა. როგორც მინისტრობის კანდიდატმა აღნიშნა საგარეო საქმეთა სამინისტრო ის უწყებაა, რომელსაც გააჩნია შესაბამისი ბერკეტები და ინსტუმენტები იმისათვის, რომ უზრუნველყოს საზღვარგარეთ მყოფი საქართველოს მოქალაქეებისთვის სამშობლოში დაბრუნების და შესაბამისი პროგრამების შეთავაზება.

მიხეილ ჯანელიძის განცხადებით საგარეო საქმეთა სამინისტრო განაგრძობს მუშაობას მსოფლიოს მასშტაბით ქვეყნის იმიჯის ამაღლებისა და პოპულარიზაციის მიმართულებით  საქართველოსადმი კიდევ უფრო მეტი ეკონომიკური ინტერესის გაჩენის მიზნით.

მინისტრობის კანდიდატმა უწყების ერთ-ერთ პრიორიტეტად ასევე დაასახელა საგარეო საქმეთა სამინისტროს ინსტიტუციური გაძლიერება და დიპლომატიური კორპუსისთვის უკეთესი პირობების შექმნა.

​

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს