დიდი ბრიტანეთის მხარდაჭერა საქართველოსადმი, როგორც უსაფრთხოების სფეროში, ისე საერთაშორისო პარტნიორისა და რეგიონში დემოკრატიული მოდელისადმი, ურყევია, - ამის შესახებ საქართველოში ვიზიტთ მყოფმა დიდი ბრიტანეთის ევროპისა და ამერიკის საკითხებში ბრიტანეთის სახელმწიფო მინისტრმა ალან დუნკანმა განაცხადა.

დუნკანის თქმით, საქართველო მხარს უჭერს საერთაშორისო სამშვიდობო მისიებს და ქართველი სამხედროები ფანტასტიურ როლს ასრულებენ.

„თქვენ ხართ თანამედროვე დემოკრატიული სახელმწიფოს მშენებლობის ნამდვილი მაგალითი. გილოცავთ დემოკრატიული საპარლამენტო არჩევნების ჩატარებას, რომელიც საერთაშორისოდ აღიარებულია, როგორც კონკურენტული, კარგად ამდინისტრირებული და ფუნდამენტური უფლებების პატივისცემით ჩატარებული. დიდ ბრიტანეთსა და საქართველოს ორმხრივი მჭიდრო ურთიერთიბების ხანგრძლვი ისტორია აქვთ, რომელიც ოლივერ უორდროპის პერიოდიდან იწყება, რომელიც იყო დიდ ბრიტანეთის პირველი კომისარი ტრანსკავკასიაში. ჩვენ მას პატვს მივაგებთ ჩვენი სტრატეგიული ორმხრივი დიალოგისთვის მისი სახელის წოდებით. მოხარული ვარ, რომ ეს ხდება აქ, თბილისში“, - აღნიშნა დუნკანმა.

ამასთან, საქართველოს საგარეო უწყების ინფორმაციით, წელს „უორდროპის დიალოგი“ განვითარების ახალ ეტაპზე გადადის, რაც წლევანდელი დიალოგის ერთობლივ დეკლარაციაში აისახება. კერძოდ, მიღწეულა შეთანხმება, რომ ეს ფორმატი მასშტაბურ სტრატეგიულ ხასიათს მიიღებს და მას „უორდროპის სტრატეგიული დიალოგი“ ეწოდება.

მუშაობა 3 სამუშაო ჯგუფის ფარგლებში წარიმართება: პოლიტიკა, თავდაცვა და უსაფრთხოება; ეკონომიკა და ვაჭრობა; ხალხთაშორისი ურთიერთობები, კულტურა და განათლება.

ცნობისთვის, 4-8 დეკემბერს თბილისს ოფიციალური ვიზიტით ესტუმრება დიდი ბრიტანეთის პარლამენტის პარტიათაშორისი ჯგუფის დელეგაცია, რომელსაც საქართველოს ახლადარჩეული პარლამენტი უმასპინძლებს. უახლოეს მომავალში ბრიტანელი და ქართველი ექსპერტების მონაწილეობით საერთაშორისო და რეგიონული უსაფრთხოების საკითხებზე მრგვალი მაგიდა ჩატარდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს