ბოლო პერიოდში განვითარებული პროცესებით მე მაქვს განცდა, რომ ვიღაც ერთი უხილავი ხელი ალაგებს სატელევიზიო სივრცეს, - ამის შესახებ ტელეკომპანია "კავკასიის" გენერალურმა დირექტორმა ნინო ჯანგირაშვილმა გადაცემა "არჩევანში" განაცხადა.

ჯანგირაშვილის განცხადებით, ის დარწმუნებულია, რომ დიდი პალატა რუსთავი2-ის საწინააღმდეგო გადაწყვეტილებას გამოიტანს.

„ეს იქნება აბსოლუტური სიგიჟე, თუკი ასე იქნება. მე არ ვფიქრობ, რომ 9 ადამიანი ადგება და ხარაკირს ჩაიტარებს იმის გამო, რომ ვიღაცის პოლიტიკურ დაკვეთას შეასრულებს. თუკი ეს მართლა მოხდება, მაშინ ეს უკვე რუსთავი2-ის პრობლემა აღარ იქნება,  ეს იქნება უკვე ქვეყნის პრობლემა,“ - განაცხადა ნინო ჯანგირაშვილმა. 

მან უკვე ჩავლილ სასამართლო პროცესებს "სამარცხვინო" უწოდა და აღნიშნა, რომ, თუკი  დიდ პალატაშიც გაგრძელდება ეს ვითარება, ეს უკვე ხელისუფლებისათვისაც პრობლემა იქნება.

„სერიოზული ნაბიჯებით წავალთ წინ ავტორიტარიზმისაკენ და ეს იქნება ხელისუფლების პრობლემაც. ბოლო პერიოდში განვითარებული პროცესებით მე მაქვს განცდა, რომ ვიღაც ერთი უხილავი ხელი ალაგებს სატელევიზიო სივრცეს,“ - განაცხადა ნინო ჯანგირაშვილმა.

შეგახსენებთ, საქართველოს უზენაესი სასამართლოს კოლეგიამ რუსთავი2-ის საქმეზე გადაწყვეტილება დღეს მიიღო. მოსამართლეთა კოლეგიის გადაწყვეტილებით, საქმე განსახილველად უზენაესი სასამართლოს დიდ პალატას გადაეცა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს