"თუ პარლამენტში შექმნილ საკონსტიტუციო კომისიის სხდომებზე პრეზიდენტი თავად ივლის, ცუდი არ იქნება", - ამის შესახებ პარლამენტის ვიცე-სპიკერმა, მანანა კობახიძემ ”რუსთავი 2”-ის პირდაპირ ეთერში განაცხადა.

როგორც კობახიძემ აღნიშნა, მმართველი გუნდი საკონსტიტუციო ცვლილებების პროცესში ყველა სახელისუფლებო შტოს, მათ შორის პრეზიდენტის ჩართვას მიესალმება.

ამასთან, როგორც ვიცე-სპიკერმა დასძინა, ცვლილებების განსახორციელებლად საკონსტიტუციო კომისია უშუალოდ პარლამენტში უნდა შეიქმნას.

”ამ ყველაფერში შეიძლება ჩაერთოს პრეზიდენტის ადმინისტრაცია. თუ პრეზიდენტი თვითონ ივლის კომისიის სხდომებზე, ესეც არ იქნება ცუდი, პირიქით. ამაში ჩართული იქნება ყველა კონსტიტუციური ორგანო, ხელისუფლების ყველა შტო და ყველა პირი, რომელსაც ზოგადად, შეხება აქვს კონსტიტუციურ წესრიგთან. სამუშაო ჯგუფი შეიძლება ბუნებრივია პრეზიდენტმა შექმნას, ეს მისი უფლებაა, ისევე როგორც შეიძლება ჯგუფი შექმნას სამოქალაქო საზოგადოებამ, ამის მაგალითებიც გვაქვს, მაგრამ ზოგადად, თუ შევხედავთ კონსტიტუციის გადასინჯვის წესს, ყველაზე ლეგიტიმური და სწორი იქნება პარლამენტის მიერ შეიქმნას შესაბამისი კომისია, სადაც ხელისუფლების ამა თუ იმ შტოს წარმომადგენელი იქნება უფლებამოსილი, რომ ამ პროცესის სრულყოფილი მონაწილე იყოს”, - განაცხადა კობახიძემ.

მანანა კობახიძე მიიჩნევს, რომ კონსტიტუცია ცვლილებებს საჭიროებს, თუმცა წინასწარ კონკრეტული ცვლილების დაანონსება არასწორია.

„ჩვენი კონსტიტუცია გარკვეულ ცვლილებს საჭიროებს, ცვლილებები საზოგადოებასთან კონსესუსის გზით განხორციელდება. ეს იქნება საზოგადოების ერთობლივი გადაწყვეტილება,“- განაცხადა კობახიძემ.

მისივე თქმით, ქართული ოცნება საკონსტიტუციო უმრავლესობას გამოიყენებს, რომ კონსტიტუცია გაუმჯობესებული იყოს. 

„მოქმედ პრეზიდენტთან დაკავშირებით არავითარი გადაწყვეტილებები არ მიღებულა, ყოველდღე განსაკუთრებით, "რუსთავი 2"-ი მეკითხება ამ ცვლილებებზე, ეს არის ხელოვნურად აგორებული კამპანია“, - აღნიშნა ვიცე-სპიკერმა.

ცნობისთვის, საქართველოს პრეზიდენტი გიორგი მარგველაშვილი ინიციატივით გამოდის, რომ პრეზიდენტის, პრემიერ-მინისტრისა და პარლამენტის სპიკერის თანათავმჯდომარეობით, საკონსტიტუციო ცვლილებების მოსამზადებლად სამუშაო ჯგუფი შეიქმნას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

HRW საქართველოში არასამთავრობო ორგანიზაციების მდგომარეობაზე ანგარიშს აქვეყნებს

უკრაინამ ბოლო 4 დღეში აზოვის ზღვაში 35 რუსულ ტანკერს დაარტყა

საქართველოს ბანკის მხარდაჭერით, ბათუმში მეწარმე ქალებისთვის ელ. კომერციის ვორქშოპი გაიმართება

ევროკომისარი აზერბაიჯანის პროკურატურისგან აფგან სადიგოვის დაკავებაზე განმარტებას ითხოვს