კახა კალაძე: ჩემს თავს მთავრობაში უფრო ვხედავ

2016-11-01 23:26:10, 753 ნახვა

პოლიტიკა

ჩემ თავს მთავრობაში უფრო ვხედავ, თუმცა განსაკუთრებული მოთხოვნა არ გამაჩნია, - ამის შესახებ "ქართული ოცნების" წევრმა კახა კალაძემ "რუსთავი 2"-ის პირდაპირ ეთერში განაცხადა.

კალაძემ მედიაში გავრცელებული ინფორმაციების შესახებ ისაუბრა და აღნიშნა, რომ ის არც პრეზიდენტის თანამდებობაზე განიხილავს თავს და არც შს მინისტრად. კალაძე ამბობს, რომ ეს ინფორმაციები ჭორია.

"ზოგადად ვინ რომელ სამინისტროს ჩაიბარებს, იქნება კონსულტაციები და გახდება ცნობილი. ჩემ თავს მთავრობაში უფრო ვხედავ, თუმცა განსაკუთრებული მოთხოვნა არ გამაჩნია. სადაც გუნდს და ქვეყანას დავჭირდები, მზად ვარ, იქ ვიყო და მაქსიმალური გავაკეთო. შს მინისტრის თანამდებობაზე ჩემი კანდიდატურის განხილვა გამორიცხულია, ეს არის ჭორი. არც პრეზიდენტის თანამდებობაზე, მით უმეტეს, რომ იქამდე შორია," - აცხადებს კალაძე.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან