ნატო–ს გენერალური მდივნის სპეციალური წარმომადგენლის  კავკასიასა და ცენტრალურ აზიაში ჯეიმს აპატურაის განცხადებით, ნატო ე.წ. ხელშეკრულებებს, რომლებსაც იურიდიული საფუძველი არ აქვთ, არ ცნობს.
როგორც აპატურაიმ "საზოგადოებრივ მაუწყებელთან" ექსკლუზიურ ინტერვიუში განაცხადა, გუშინ რუსეთის ფედერაციასა და ოკუპირებულ  სამხრეთ ოსეთს შორის ხელმოწერილი ე.წ. ხელშეკრულება ძალიან ბევრი მიამრთულებით ნეგატიური სიგნალია.მისივე განმარტებით,  ეს არის რუსეთის პოლიტიკის გაგრძელება საქართველოსა და ევროპის მიმართ.
"არ მგონია, საქართველოს მოსახლეობისთვის სიურპრიზი იყოს, რომ ჩვენ არ ვცნობთ ე.წ. ხელშეკრულებებს, რომლებსაც არ აქვთ კანონიერი, იურიდიული საფუძველი. ნატო და ნატო-ს მოკავშირეები არასდროს აღიარებენ მათ.ნატო აღიარებს საქართველოს ტერიტოროულ მთლიანობას  და სუვერენიტეტს.გუშინ ხელმოწერილი ე.წ. ხელშეკრულება ძალიან ბევრი მიმართულებით ნეგატიური სიგნალია. ეს არის რუსეთის პოლიტიკის გაგრძელება საქართველოს მიმართ. ასევე, ეს არის რუსეთის პოლიტიკის გაგრძელება ევროპის მიმართ.რუსეთს სურს, ხელი შეუშალოს ქვეყნებს,  დამოუკიდებელად გააკეთონ არჩევანი.მესამე ცუდი სიგნალია იმის გამოც, რომ ეს ე.წ. ხელშეკრულებები ეკონომიკურ და სოციალურ საკითხებთან მიმართებაში უფრო ფართოა, ვიდრე ე.წ. ხელშეკრულება, რომელიც რუსეთმა აფხაზეთთან გააფორმა. ბევრი ქართველი პოლიტიკისი რუსეთის გადაწყვეტილებას მცოცავ ანექსიად აფასებს და ვფიქრობ, რომ ეს შეფასება მართალია.საქართველო აჩვენებს, რომ მომწიფებული პარტნიორია.არავის აძლევს საფუძველს იმის თქმის, რომ ვინმემ დაადანაშაულოს, რომ არ ეძებს საუკეთესო გზებს და არ აკეთებს ყველაფერს. პოლიტიკური თვალსაზრისით ეს ძალიან მნიშვნელოვანია.როგორც გავიგე, ეს ე.წ. ხელშეკრულება როგორც აფხაზეთის შემთხვევაში,  გულისხმობს ე.წ. სამხრეთ ოსეთის შეიარაღებული ძალების, რუსეთის შეიარაღებულ ძალებთან გაერთიანებას, ერთობლივ სტრუქტურად ჩამოყალიბებას. რუსეთის შეიარაღებული ძალები ხომ ისედაც სამხრეთ ოსეთის ტერიტორიაზე იმყოფებიან, ისევე როგორც აფხაზეთში.ამიტომ, არვიცი ზუსტად რას ცვლის, რას შეცვლის ეს გადაწყვტილება.მოვისმინე საქართველოს მთავრობის მხრიდან,ყოფილი ხელისუფლებაც აცხადებდა, რომ ვერ ხედავენ ამ კონფლიქტის ძალისმიერი მეთოდებით გადაჭრის გზებს.საქართველოს აღებული აქვს ვალდებულებაც და არაერთხელ გაკეთებულა ძალის გამოუყენებლობის შესახებ განცხადება.როგორც მე ვიცი, საქართველო არ აპირებს თავს დაესხას სამხრეთ ოსეთს. ამიტომ, ვერ ვხედავ ამ კუთხით განსაკუთრებულ საფრთხეს",-განაცხადა ჯეიმს აპატურაიმ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი

ოცნების პარლამენტმა ფორმულას ჟურნალისტ ნინი ბალანჩივაძეს 6 თვით აკრედიტაცია შეუწყვიტა